រាជធានីភ្នំពេញ ៖នៅព្រឹកថ្ងៃទី២៣ ខែកក្កដា ឆ្នាំ២០១២ អធិការដ្ឋានខណ្ឌទួលគោក បានសហការជាមួយការិយាល័យស្ថិតិ និងអត្តសញ្ញាណប័ណ្ណនៃស្នងការដ្ឋាននគរបាលរាជធានីភ្នំពេញ បើកយុទ្ធនាការបំពេញបែបបទថតធ្វើអត្តសញ្ញាណប័ណ្ណសញ្ជាតិខ្មែរ ជូនដល់ប្រជាពលរដ្ឋដែលទើបតែគ្រប់អាយុ គឺកើតនៅឆ្នាំ១៩៩៥ ។ ទោះបីជាយ៉ាងណា ប្រជាពលរដ្ឋដែលនៅសេសសល់មិនទាន់បានបំពេញបែបបទធ្វើអត្តសញ្ញាណ ប័ណ្ណ និងប្រជាពលរដ្ឋដែលផុតសុពលភាពមិនទាន់មានគោលការណ៍ត្រូវធ្វើនៅ ពេលណានោះទេ ។
លោកវរសេនីយ៍ទោ ហួត ចាន់យ៉ារ៉ាន់ អធិការនគរបាលខណ្ឌទួលគោក បានឱ្យដឹងថា ដោយមានការសហការពីការិយាល័យស្ថិតិ និងអត្តសញ្ញាណប័ណ្ណនៃស្នងការដ្ឋាននគរបាលរាជធានីភ្នំពេញ អធិការដ្ឋានខណ្ឌទួលគោកបានរៀបចំធ្វើពិធីថតផ្តល់អត្តសញ្ញណប័ណ្ណ សញ្ជាតិខ្មែរជូនដល់ប្រជាពលរដ្ឋដែលគ្រប់អាយុត្រូវធ្វើអត្តសញ្ញាណ ប័ណ្ណក្នុងសង្កាត់ទាំង១០ក្នុងខណ្ឌទួលគោកចំនួន១.៩៤៣នាក់ ក្នុងនោះប្រុសចំនួន១.០២២នាក់ដែលចាប់ផ្តើមពីថ្ងៃទី២៣ ខែកក្កដា ឆ្នាំ២០១២រហូតដល់ថ្ងៃទី១៥ ខែសីហា ឆ្នាំ២០១២ ។
លោកវរសេនីយ៍ទោ ហួត ចាន់យ៉ារ៉ាន់ បានបន្តទៀតថា កន្លងមកដោយមានការខិតខំយកចិត្តទុកដាក់ក្នុងការងារគ្រប់គ្រង ស្ថិតិប្រជាពលរដ្ឋ និងការងារផ្តល់អត្តសញ្ញណប័ណ្ណសញ្ជាតិខ្មែរ រហូតដល់បច្ចុប្បន្នអធិការដ្ឋាននគរបាលខណ្ឌទួលគោក បានផ្តល់អត្តសញ្ញាណប័ណ្ណសញ្ជាតិខ្មែរជូនដល់ដៃប្រជាពលរដ្ឋយកទៅ ប្រើប្រាស់រួចបានចំនួន៩៨.១៣៨សន្លឹក គឺស្មើនឹង៩៩ភាគរយនៃចំនួនប្រជាពលរដ្ឋដែលគ្រប់អាយុត្រូវផ្តល់ អត្តសញ្ញាណប័ណ្ណសញ្ជាតិខ្មែរ ។ លោកអធិការបានបន្តទៀតថា ចំពោះប្រជា ពលរដ្ឋដែលពុំទាន់មានអត្តសញ្ញាណប័ណ្ណសញ្ជាតិខ្មែរប្រើប្រាស់ និងប្រជាពលរដ្ឋទើបគ្រប់អាយុត្រូវផ្តល់ យើងនឹងបន្តស្រង់ដើម្បីថតផ្តល់ជូនពួកគាត់បន្តទៀត ។
គួរបញ្ជាក់ថា នៅថ្ងៃទី២៣ ខែកក្កដា នេះប្រជាពលរដ្ឋសង្កាត់ផ្សារដេប៉ូទី១ បាននាំគ្នាមកបំពេញបែបបទថតធ្វើអត្តសញ្ញណប័ណ្ណមានចំនួន១០០នាក់ ក្នុងនោះប្រុស៥៥នាក់ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]