រាជធានីភ្នំពេញ ៖ រថយន្តយីឌុប ពណ៌ស មួយគ្រឿងបើកបរដោយបុរសម្នាក់យ៉ាងលឿនបានវ៉ាម៉ូតូមួយ គ្រឿងក៏ជ្រុលទៅបុកម៉ូតូវ៉េវពណ៌ក្រហមចំពីក្រោយអូសប្រហែល១០០ ម៉ែត្រ ទើបរថយន្តទៅមុខលែងរួចបណ្តាលឱ្យបុរសម្នាក់របួសធ្ងន់ធ្ងរ ត្រូវរថយន្តសាមុយដឹកទៅសង្គ្រោះនៅមន្ទីរពេទ្យ ។ ហេតុការណ៍នេះកើតឡើងនៅវេលាម៉ោង៩និង៣៥នាទីយប់ថ្ងៃទី២២ កក្កដា តាមបណ្តោយផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ។ ជនរងគ្រោះឈ្មោះជ័យ សីហា អាយុ២០ឆ្នាំ ជាកម្មកររោងចក្រស្នាក់នៅសង្កាត់ចោមចៅ ខណ្ឌពោធិ៍សែនជ័យ ។
តាមប្រភពព័ត៌មានពីមន្ត្រីសមត្ថកិច្ចខណ្ឌ សែនសុខបានឱ្យដឹងថា មុនពេលកើតហេតុរថយន្តយីឌុបពណ៌សដែលមានដឹកបន្លែពេញរថយន្តបើកបរ ដោយបុរសម្នាក់មិនស្គាល់អត្តសញ្ញាណបានបើកយ៉ាងលឿនតាមផ្លូវ លេខ១៩៨៦ ក្នុងទិសដៅពីកើតទៅលិច ពេលមកដល់ចំណុចកើតហេតុបើកវ៉ាម៉ូតូមួយគ្រឿងក៏ជ្រុលទៅបុក ម៉ូតូវ៉េវពីក្រោយបណ្តាលឱ្យបុរសម្នាក់ជាអ្នកបើកម៉ូតូខ្ទាត ចេញពីមុខរថយន្តដួលរងរបួសធ្ងន់ធ្ងរត្រូវរថយន្តសាមុយ ដឹកយកទៅសង្គ្រោះបន្ទាន់នៅមន្ទីរពេទ្យឯកជនមួយ ។ ឯរថយន្តយីឌុបនោះបានព្យាយាមបើករត់បានប្រហែល១០០ម៉ែត្រក៏ឈប់ ព្រោះម៉ូតូរបស់ជនរងគ្រោះកៀបជាប់នៅក្រោមរថយន្តត្រង់កង់ មុខខាងស្តាំ ។
ក្រោយពេលកើតហេតុប៉ូលិសចរាចរបានចុះមក វាស់វែងយករថយន្តនិងម៉ូតូទៅរក្សាទុកនៅអធិការដ្ឋានខណ្ឌសែនសុខ រង់ចាំដោះស្រាយជាក្រោយ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]