ព័ត៌មានបន្ថែម នៃការផ្ទុះអាវុធ ជនរងគ្រោះ ជាសន្តិសុខ របស់ធនាគារ អូរីហ្វាយនែន ជនបង្កជា មន្រ្តីអាវុធហត្ថ

ភ្នំពេញ៖ ករណីផ្ទុះអាវុធ មួយគ្រាប់ នៅធនាគារ អូរីហ្វាយនែន សាខាសង្កាត់ ផ្សារដើមថ្កូវ ខណ្ឌចំការមន នារសៀលថ្ងៃទី៧ ខែកក្កដា ឆ្នាំ២០១៥នេះ ជនរងគ្រោះគឺជាសន្តិសុខ នៅធនាគារតែម្តង ដោយឡែកជនបង្ក ជាមន្រ្តីអាវុធហត្ថ ។

មិត្តភ័ក្តិជនរងគ្រោះ ឈ្មោះ សុខ នាថ បានប្រាប់យ៉ាងខ្លីថា ជនរងគ្រោះមានឈ្មោះ អាន រង្សី ភេទប្រុស អាយុ១៩ឆ្នាំ ស្នាក់នៅផ្ទះជួល ក្នុងសង្កាត់បឹងត្របែក ត្រូវគ្រាប់កាំភ្លើង មួយគ្រាប់ ចំដៃដោយសារតែជនបង្ក ជ្រុះកាំភ្លើងហើយ រាលកៃផ្ទុះ ។

តាមសមត្ថកិច្ច បានបញ្ជាក់ថា ម្ចាស់កាំភ្លើង ដែលធ្វើអោយជ្រុះ ហើយរាលកៃនេះ មានឈ្មោះ ហ៊ុន សុផល ជាមន្រ្តីអាវុធហត្ថ ប៉ុន្តែមិនដឹងបម្រើ នៅអង្គភាពណា នោះទេ ៕