រាជធានីភ្នំពេញ ៖ ស្ត្រីមានជំងឺផ្លូវចិត្តម្នា ក់ត្រូវបានគេប្រទះឃើញ ចង.កធ្វើ អត្តឃាត នៅក្នុងបង្គន់ នៃមន្ទីរពេទ្យមិត្តភាព ខ្មែរ-សូវៀត ក្រោយពីប្រាប់ប្អូនស្រី របស់ខ្លួនម្នាក់ថា ទៅបត់ជើង បង្កឱ្យមាន ការភ្ញាក់ផ្អើល កាលពីវេលាម៉ោង១០ និង៣០នាទីព្រឹក ថ្ងៃ ទី៣ ខែកក្កដា ឆ្នាំ២០១៥ នៅក្នុងបង្គន់ អគារព្យាបាល ជំងឺផ្លូវចិត្ត នៃមន្ទីរ ស្ថិតនៅផ្លូវលេខ២៧១ ក្នុងសង្កាត់ទំនប់ទឹក ខណ្ឌចំការមន ។
តាមប្រភពព័ត៌មានពីស្ត្រីម្នាក់ឈ្មោះ យ៉ាន ឌៀប អាយុ៤០ឆ្នាំ ដែលត្រូវជាប្អូនរបស់ស្ត្រីរងគ្រោះបាននិយាយថា បងស្រីរបស់គាត់ដែលបានចង.កសម្លាប់ខ្លួននេះឈ្មោះ យ៉ាន ខន អាយុ៤៤ឆ្នាំ មានទីលំនៅក្នុងភូមិព្រែកភ្នៅ ឃុំព្រែកភ្នៅ ស្រុកពារាំង ខេត្តព្រៃវែង ដោយមានជំងឺផ្លូវចិត្តអស់រយៈពេលជាច្រើនឆ្នាំមកហើយ ។ កន្លងមក បងស្រីគាត់បានមកព្យាបាល និងបើកថ្នាំព្យាបាលជំងឺផ្លូវចិត្តនៅទីនេះចំនួន២ទៅ៣លើកមកហើយ ។
នៅព្រឹកមុនពេលកើត រូបគាត់បានជូនបងស្រីមកបើកថ្នាំម្តងទៀត នៅពេលដែលកំពុងតែអង្គុយរង់ចាំបើកថ្នាំនោះ បងស្រីបានប្រាប់គាត់ថា ទៅបត់ជើង ។ ដោយអង្គុយរង់ចាំយូរពេកមិនឃើញត្រឡប់មកវិញ គាត់ក៏ដើរទៅរកបងស្រី ស្រាប់តែឃើញមានមនុស្សជាច្រើនមានការរភ្ញាក់ផ្អើលថា មានមនុស្សចង.កសម្លាប់ខ្លួននៅក្នុងបង្គន់ ។ ពេលនោះ រូបគាត់ក៏បានរត់ចូលទៅមើល គឺជាបងស្រីរបស់គាត់ ហើយប្រញាប់ស្រាយខ្សែទម្លាក់ ប៉ុន្តែគាត់បានស្លាប់បាត់ទៅហើយ ។
ក្រោយពេកកើតហេតុ អាជ្ញាធរមូលដ្ឋានចុះមកធ្វើការត្រួតពិនិត្យ និងកោសល្យវិច័យផងដែរ សពរបស់ស្ត្រីរងគ្រោះត្រូវបានរថយន្តរបស់មន្ទីរពេទ្យមិត្តភាព ខ្មែរ-សូវៀត ជួយដឹកយកទៅស្រុកកំណើត ដើម្បីរៀបចំធ្វើបុណ្យទៅតាមប្រពៃណី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]