ខេត្តកំពង់ចាម ៖ ម៉ូតូម៉ាកវ៉េវ១គ្រឿងបានពន្លះគ្នាជាមួយម៉ូតូម៉ាក SL លាន់ដូចរន្ទះ ខណៈចូលក្លឹបផឹកស្រាអស់៥ថូចេញមកវិញបុកគ្នាប្រាវនៅលើ កំណាត់ផ្លូវជាតិលេខ៧ ស្ថិតក្នុងភូមិបឹងស្នាយ សង្កាត់សំបួរមាស ក្រុងកំពង់ចាម កាលពីវេលាម៉ោង១២យប់ថ្ងៃទី១៩ កក្កដា ២០១២ បណ្តាលឱ្យរងរបួសធ្ងន់ចំនួន៥នាក់ ។
លោកស៊ាម យូសេង ប្រធានការិយាល័យនគរបាលចរាចរនៃអធិការដ្ឋាននគរបាលក្រុងកំពង់ ចាម ប្រាប់ឱ្យដឹងថា ជនរងគ្រោះទាំង៥នាក់នោះមានក្រុមជិះម៉ូតូវ៉េវមានគ្នា៣នាក់ ១-ឈ្មោះស្រ៊ុន ចាន់តេង ភេទប្រុស អាយុ២៩ឆ្នាំ រស់នៅភូមិឡអិដ្ឋ សង្កាត់បឹងកុក ក្រុងកំពង់ចាម រងរបួសបាក់ជើង និងដៃឆ្វេង ២-ឈ្មោះទិត នី ភេទប្រុស អាយុ២៦ឆ្នាំ រស់នៅភូមិថ្មគោល ឃុំរអាង ស្រុកកំពង់សៀម រងរបួសបែកក្បាល និង៣-ឈ្មោះឈឿន រ៉ាវុធ ភេទប្រុស អាយុ២៨ឆ្នាំ រស់នៅភូមិពោធិ៍ ឃុំព្រែកក្របៅ ស្រុកកងមាស ។ ចំណែកក្រុមជិះម៉ូតូ SL ១-ឈ្មោះឡុង ម៉េងលាង ភេទប្រុស អាយុ២០ឆ្នាំ ជាអ្នកបើកបរ និង២-ឈ្មោះភា ភេទប្រុស អាយុ២៣ឆ្នាំ រងរបួសបាក់ជើង រស់នៅភូមិតាមូត ឃុំគ ស្រុកព្រៃឈរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
