ខេត្តបន្ទាយមានជ័យ ៖ បុរសម្នាក់ដែលអះអាងថាខ្លួនញៀនថ្នាំ បានធ្វើសកម្មភាពគាស់ដំបូលតូបស័ង្កសីអ្នកលក់ខោអាវ និងប្តូរប្រាក់ចូលលួចអីវ៉ាន់គេហើយវង្វេងរកច្រកចេញមិនឃើញ ត្រូវបាននគរបាលស្រុកថ្មពួក ឃាត់ខ្លួនកាលពីថ្ងៃទី៣ កក្កដា នៅក្នុងផ្សារបន្ទាយឆ្មារ ស្ថិតនៅភូមិបន្ទាយឆ្មារ ឃុំបន្ទាយឆ្មារ ស្រុកថ្មពួក ។
លោកវរសេនីយ៍ត្រី យ៉ត រ៉ាយ អធិការនគរបាលស្រុកថ្មពួក បានឱ្យដឹងថា ជនសង្ស័យឈ្មោះ ឡូញ ឡេង អាយុ២៩ឆ្នាំ មានប្រពន្ធមានផ្ទៃពោះជិតគ្រប់ខែ និងមានកូនម្នាក់ទៀត ។ ចំណែកម្ចាស់តូបឈ្មោះ ហេង ចាន់សេរីរ័ត្ន ភេទស្រី អាយុ២៥ឆ្នាំ រស់នៅភូមិឃុំជាមួយគ្នា ។
លោកអធិការបានបន្តឱ្យដឹងទៀតថា បើតាមការរៀបរាប់ពីម្ចាស់តូបឈ្មោះ េហង ចាន់េសរីរ័ត្ន បានឱ្យដឹងថា ខណៈព្រឹកឡើងនាងមកពីផ្ទះបើកតូបលក់ស្រាប់ែតឃើញជនសង្ស័យ មិនដឹងជាលួចចូលមកសម្ងំលាក់ខ្លួនក្នុងតូបនាងតាំងពីេពលណានោះ ទេ ឃើញដូច្នេះនាងក៏ស្រែកឆោឡោឡើងទើបមានការភ្ញាក់ផ្អើលដល់ សមត្ថកិច្ច ចុះមកចាប់ឃាត់ខ្លួនជនសង្ស័យរូបនេះ និង ពិនិត្យកន្លែងកើតហេតុ ឃើញមានស្នាមគាស់ទម្លុះដំបូលតូប ។
លោកវរសេនីយ៍ទោ ជូ ផារិន នាយការិយាល័យព្រហ្មទណ្ឌកម្រិលស្រាលខេត្តបានឱ្យដឹងថា បើតាមចម្លើយសារភាពពីជនសង្ស័យឈ្មោះ ឡូញ ឡេង ប្រាប់ថា រូបគេញៀនថ្នាំហើយគាស់ដំបូលចូលក្នុងតូបតាំងពីយប់ជ្រៅមក ម៉្លេះដើម្បីចូលលួចអីវ៉ាន់យកទៅលក់បានលុយទិញថ្នាំញៀនជក់ ។ តែដោយសារយប់ងងឹតពេក រូបគេរកច្រកចេញមិនរួចចេះតែសម្ងំក្នុងតូបរហូតទល់ភ្លឺ ទើបម្ចាស់តូបបើកទ្វារឃើញ ស្រែកឆោឡោដឹងដល់សមត្ថកិច្ចចុះមកចាប់ឃាត់ខ្លួនតែម្តង។ជន សង្ស័យត្រូវបានសមត្ថកិច្ចជំនាញកសាងសំណុំរឿងបញ្ជូនទៅសាលា ដំបូងខេត្តដើម្បីចាត់ការតាមផ្លូវច្បាប់ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]