អតីតតារាម៉ូដែល Playboy​ រៀបការជាមួយ មហាសេដ្ឋី វ័យ ៨២ឆ្នាំ! ... ព្រោះតែអ្វី?

អូស្រា្តលី៖ ប្រហែលជា ប្រិយមិត្ត បានជ្រាប រួចមកហើយពី មហាសេដ្ឋីម្នាក់ វ័យ៨២ឆ្នាំ លោក Richard Lugner  បានទៅរៀបការ ជាមួយនឹង អតីតតារាម៉ូដែល PlayBoy  វ័យ២៥ឆ្នាំ នាង Cathy Schmitz ដែលធ្វើឲ្យគ្រប់គ្នា គិតថា នាងរៀបការជាមួយនឹង បុរសវ័យចំណាស់នេះ ដោយសារតែ អំនាចទឹកប្រាក់។ ប៉ុន្តែកាលពីថ្មីៗនេះ នាងបាននិយាយ ក្តែងៗ ដែលពាក់ព័ន្ធ ពីរឿងនេះ នៅក្នុងកម្មវិធីទូរទស្សន៍ The Morning ផងដែរ។

នាង Cathy Schmitz អាយុ២៥ឆ្នាំ ជាអតីតតារាម៉ូដែល ម្នាក់ បានរៀបការ ជាមួយនឹងលោក Richard Lugner វ័យ ៨២ឆ្នាំ កាលពីខែកញ្ញា ឆ្នាំ២០១៤ ហើយការរៀបការនេះ ជាលើកទី៥ របស់គាត់។ ចំពោះលោក Richard Lugner បាននិយាយប្រាប់ កម្មវិធីទូរទស្សន៍ The Morning ថា "ខ្ញុំអាចស្បថបានថា ការរៀបការលើកទី៥នេះ ជាការរៀបការ ចុងក្រោយគេបង្អស់ ហើយខ្ញុំ នឹងរស់នៅជាមួយគ្នា ជារៀងរហូត បន្ទាប់ពីខ្ញុំ បានលែងលះ ប្រពន្ធ៤នាក់របស់ខ្ញុំ។ បន្ថែមពីនេះ ទៅទៀត រូបគាត់ បានបន្តថា "នាងធ្វើឲ្យ ចិត្តរបស់ខ្ញុំ បានផ្លាស់ប្តូរ បន្ទាប់ពីចាប់ផ្តើម ទាក់ទងគ្នា ចុងខែកម្ភះ ហើយដល់សីហា ខ្ញុំនឹងនាង បានភ្ជាប់ពាក្យ រហូតដល់ខែកញ្ញា ពួកយើងក៏បាន រៀបការ"។

ប៉ុន្តែទោះជាយ៉ាងណា លោក Richard Lugner  បានសារភាពថា គាត់នៅតែមានចិត្តខ្លាចថា ភរិយាថ្មី របស់គាត់ ចាប់អាម្មណ៍ទ្រព្យសម្បត្តិ ជាងរូបគាត់ ហើយគាត់បាននិយាយថា "ខ្ញុំតែងតែព្រួយបារម្ភ ពីរឿងនេះ... មនុស្សស្រី គួរឲ្យគ្រោះថ្នាក់ ប៉ុន្តែខ្ញុំចូលចិត្តតបត ជាមួយនឹងនារី ក្មេងៗទាំង នោះ"។

ជាមួយគ្នានោះដែរ Cathy Schmitz ក៏បានឲ្យដឹងដែរថា "ខ្ញុំពិតជា ស្រឡាញ់ជីវិត បន្ទាប់ពីក្លាយជា ប្រពន្ធរបស់ Richard Lugnerនេះណាស់  ប៉ុន្តែវាមិនមែន ជាហេតុផល ដែលខ្ញុំសម្រេចចិត្តរៀបការ ជាមួយនឹងគាត់នោះទេ។ នាងបានបន្តថា "នៅពេលខ្ញុំ បានជួបគាត់ ខ្ញុំដឹងថាគាត់ អ្នកមាន ហើយជា មនុស្សល្បីទៀត។ ជាការពិត វាជាជីវិត ដ៏អស្ចារ្យមួយ ប៉ុន្តែវាមិនសំខាន់ចំពោះខ្ញុំនោះទេ។ ព្រោះអ្វីដែល ខ្ញុំចង់បាន គឺសុភមង្គលពិត ហើយចាប់តាំងពី ខ្ញុំមានរូបគាត់ គឺជីវិតពោរពេញ ទៅដោយភាព សប្បាយរីករាយ។ ជាពិសេសខ្ញុំ ក៏មានកូនស្រីអាយុ ៦ឆ្នាំម្នាក់ ត្រូវមើលថែផងដែរ។ ខ្ញុំក៏ធ្លាប់ទាក់ទង មនុសុ្សប្រុស ក្មេងជាច្រើននាក់ដែរ ប៉ុន្តែពួកគេ មើលឃើញ តែខ្លួនឯង ហើយចូលចិត្ត កីឡាបាល់ទាត់ និង ចូលចិត្តស្រី តែប៉ុណ្ណោះ"៕

នាងCathy Schmitz និង លោក Richard Lugner

ប្រភព  AsianTown

ដោយ៖ កា

ខ្មែរឡូត