រាជធានីភ្នំពេញ ៖ ជនសង្ស័យប្លន់ប្រដាប់អាវុធម្នាក់ក្នុងចំណោមបក្សពួក ពីរនាក់ បានត្រូវសមត្ថកិច្ចនគរបាលខណ្ឌចំការមនសហការជាមួយ នគរបាលប៉ុស្តិ៍បឹងទំពុន ខណ្ឌមានជ័យ ចាប់ខ្លួនបាននៅក្នុងភូមិសាស្ត្រសង្កាត់បឹងទំពុន កាលពីរសៀលថ្ងៃទី២៤ មិថុនា ។ ក្នុងប្រតិបត្តិការនេះ សមត្ថកិច្ចបានឃាត់ខ្លួនយុវជនចំនួន៨នាក់ផ្សេងទៀត ក្នុងនោះមាននារីម្នាក់ដែលសំងំដេកនៅក្នុងបន្ទប់ផ្ទះ សំណាក់ភ្នំមាស ស្ថិតក្នុងសង្កាត់ផ្សារដើមថ្កូវ ខណ្ឌចំការមន មកសួរនាំនៅអធិការដ្ឋាននគរបាលខណ្ឌផងដែរ ។
ជនសង្ស័យម្នាក់ដែលសមត្ថកិច្ចស្រាវជ្រាវ ឃាត់ខ្លួនបាននេះឈ្មោះ ហេង សុគង់ អាយុ១៨ឆ្នាំ មានទីលំនៅក្នុងសង្កាត់បឹងព្រលឹត ខណ្ឌ៧មករា ដោយឡែកមនុស្ស៨នាក់ផ្សេងទៀត ប៉ូលិសកំពុងធ្វើការសួរនាំនៅឡើយ ។នៅចំពោះមុខសមត្ថកិច្ចជនឈ្មោះ ហេង សុគង់ បានសារភាពថា ខ្លួនពិតជាបានធ្វើសកម្មភាពប្លន់ម៉ូតូម៉ាកស្គូពី ពណ៌ស មួយគ្រឿងមែនពីនារីម្នាក់នៅវេលារំលងអធ្រាត្រឈានចូលថ្ងៃទ ី១៨ មិថុនា ឆ្នាំ២០១២ នៅក្នុងភូមិសាស្ត្រសង្កាត់បឹងកេងកងទី៣ ។ ខ្លួនត្រូវមិត្តភក្តិម្នាក់បបួលជិះម៉ូតូដើររកប្លន់ នៅពេលយប់ លុះឃើញនារីម្នាក់ជិះម៉ូតូស្គូពីម្នាក់ឯងក៏ធ្វើសកម្មភាព ប្លន់តែម្តង៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]