ប្រិយមិត្តពិតជានៅចាំថា ក្លឹបបាល់ទាត់ Chelsea បានឈ្នះការប្រកួត Champions League ថ្មីៗនេះ ដែលជាការប្រកួតរវាងក្លឹបអាជីព ដែលសំខាន់ជាងគេក្នុងទ្វីបអឺរ៉ុប ហើយនេះជាលើកដំបូងក្នុងប្រវត្តិបាល់ទាត់ ១០៧ ឆ្នាំរបស់ Chelsea ដែល Chelsea បានទទួលពានរង្វាន់កំពូលនេះ។
ប៉ុន្ដែអ្វីគួរឲ្យសោកស្ដាយ គឺបុគ្គលិកសន្ដិសុខរបស់ Chelsea បីនាក់បានធ្វើឲ្យពានបាក់ដងដៃម្ខាង នៅពេលគេលួចកាន់ពានថតរូប ជាមួយពាននៅយប់កណ្តាលអាធ្រាត្រមួយ។ បុគ្គលិកទាំងបីត្រូវបាន Chelsea ផ្អាកពីការងារ និង ស្ថិតនៅក្រោមការស៊ើបអង្កេត។ Chelsea បានបញ្ជូនពានទៅហាងជូសជុលមួយភ្លាមៗក្នុងក្រុង ឡុង ។ តាមព័ត៌មាន Daily Mail បុគ្គលិកទាំងបីមិនមានសិទ្ធិចូលកន្លែងដាក់ពានទេក្នុងថ្ងៃនោះ ជាធម្មតា ពានដែល Chelsea ឈ្នះនឹងយកទៅចាក់ទុកក្នុងទូ តែដោយសារនេះជាពានប្រចាំប្រវត្តិបាល់ទាត់ របស់ Chelsea គេសុខចិត្តដាក់ពាននៅក្រៅដើម្បី បង្ហាញដល់បុគ្គលិក Chelsea ទាំងអស់ឲ្យបានមើល។
នេះជាការអាម៉ាស់មួយដល់ ក្លឹប Chelsea។
ដោយ វីន
Khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
