រាជធានីភ្នំពេញ ៖ រថយន្តម៉ាកកូរ៉ូឡា បើកដោយស្ត្រីម្នាក់បត់ចូលវិទ្យាល័យជា ស៊ីមសន្ធរម៉ុក ជ្រុលទៅបុកជាមួយម៉ូតូម៉ាកគុប បណ្តាលឱ្យស្ត្រីម្នាក់រងរបួស ហើយត្រូវបញ្ជូនទៅព្យាបាលនៅមន្ទីរពេទ្យកាល់ម៉ែត ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៥និង៥នាទីល្ងាចថ្ងៃទី១៥ មិថុនា ឆ្នាំ២០១២ តាមមហាវិថីកម្ពុជាក្រោម សង្កាត់ទឹកល្អក់ទី១ ខណ្ឌទួលគោក ។
សាក្សីនៅកន្លែងកើតហេតុឱ្យដឹងថា រថយន្តម៉ាកកូរ៉ូឡានោះ បើកដោយស្រ្តីម្នាក់ក្នុងទិសដៅពីកើតទៅលិចបត់ឆ្វេងដៃចូលវិទ្យាល័យជា ស៊ីម សន្ធរម៉ុក ហើយបុកជាមួយម៉ូតូម៉ាកគុប ដែលធ្វើដំណើរពីលិចទៅកើត បើកដោយស្ត្រីម្នាក់ ។ អ្នកបើកម៉ូតូរងរបួសជើងត្រូវគេបញ្ជូនទៅព្យាបាលនៅមន្ទីរពេទ្យកាល់ម៉ែត ។
ប៉ូលិសទៅកន្លែងកើតហេតុ ដើម្បីសម្រួលចរាចរណ៍ និងវាស់វែងប្រុងនាំយកទៅដោះស្រាយ តែភាគីទាំងពីរសម្របសម្រួលគ្នាដោយខាងរថយន្តជួយចេញថ្លៃព្យាបាលស្រ្តីរងរបួស ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]