ខេត្តកណ្តាល ៖ លោកយាយអាយុ៧៣ឆ្នាំ ម្នាក់បានតាមទាន់លោកតាជាប្តីអាយុ៧៣ឆ្នាំ ដូចគ្នា ជាគណៈកម្មការវត្តដឹកដៃកូនធម៌ជាស្រីមេម៉ាយអាយុ៤០ឆ្នាំចេញពីផ្ទះសំណាក់មួយយីហោ២២២ នៅភូមិដើមមៀន សង្កាត់ដើមមៀន ក្រុងតាខ្មៅ ទាំងត្រហេបត្រហបកាលពីវេលាម៉ោង៣រសៀលថ្ងៃទី២ មិថុនា ២០១២ ហើយបានធ្វើឱ្យលោកយាយទប់អារម្មណ៍សមាធិមិនបានក៏ផ្ទុះកំហឹងពាក្យសម្តីដាក់គ្នា និងឈានដល់ប្រវាយប្រតប់គ្នាផ្អើលឆុរឡើងដល់អ្នកធ្វើដំណើរ និងអ្នកនៅក្នុងផ្ទះសំណាក់មកចោមរោមមើល ។ ប៉ុន្តែក្នុងហេតុការណ៍នេះមិនមានភាគីខាងណារងរបួសធ្ងន់ឡើយ ។ ភ្លាមៗសមត្ថកិច្ចប៉ូលិសប៉ុស្តិ៍ដើមមៀនបានទៅអន្តរាគមន៍ឃាត់ទាន់ពេល និងហៅភាគីទាំងពីរមកធ្វើការសម្របសម្រួលគ្នា ។ ចំណែកលោកតាអាយុ៧៣ឆ្នាំ ឆ្លៀតពេលប៉ូលិសសួរនាំលោកយាយភរិយារបស់គាត់ និងកូនធម៌ ក៏ស្ទុះទាញម៉ូតូធាក់បញ្ឆេះជិះគេចខ្លួនបាត់ស្រមោលទៅ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ កោះសន្តិភាព
បញ្ចូលអត្ថបទ ៖ បុប្ផា កោះ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
