រាជធានីភ្នំពេញ ៖ បុរស២នាក់បានប្រវាយប្រតប់គ្នាទៅវិញទៅមកលើផ្លូវសាធារណៈ ព្រោះតែជិះម៉ូតូតាមកៀរគ្នា មិនខុសពីក្រុមក្មេងស្ទាវដែលតែងតែបង្កជម្លោះនៅតាម ដងផ្លូវនោះឡើយ ប៉ុន្តែការប្រវាយប្រតប់គ្នានេះបានត្រូវប៉ូលិសចរាចរ មួយរូបចូលធ្វើអន្តរាគមន៍ឱ្យបញ្ឈប់ ហើយពួកគេក៏ជិះម៉ូតូទៅផ្ទះរៀងៗខ្លួន ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទី យប់ថ្ងៃទី៣១ ឧសភា នៅតាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ ។
នៅកន្លែងកើតហេតុ បុរសទាំង២នាក់ ចោទគ្នាទៅវិញទៅមកថា បានជិះម៉ូតូកៀរគ្នាតាំងពីក្បែរស្ពានអាកាស៧ មករា រហូតមកដល់មុខមជ្ឈមណ្ឌលវ័តធើរផាកដែលមិនដឹងជាមាន បំណងអ្វីនោះទេ ហើយក៏ធ្វើការប្រវាយប្រតប់គ្នាទៅវិញទៅមកតែម្តង ។
ចំពោះភាគីជម្លោះម្ខាងដែលជិះម៉ូតូ ម៉ាកហ្វ្រេស ពណ៌ក្រហម ស៊េរីចាស់ មើលទៅដូចជាមានភាពស្រវឹងនិយាយមិនដឹងខុសត្រូវនោះទេ ចំណែកឯបុរសជិះម៉ូតូហុងដាឌ្រីមសេ១២៥ ពណ៌ខ្មៅ ដែលរួមដំណើរជាមួយប្រពន្ធផងនោះក៏ហាក់ដូចជាកាច និងឆេវឆាវ ទើបកើតជាជម្លោះបែបនេះ ។ គេមិនបានស្គាល់ពីអត្តសញ្ញាណគូជម្លោះនៅតាមដង ផ្លូវនេះទេ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]