រាជធានីភ្នំពេញ ៖ រថយនុ្តមួយគ្រឿងម៉ាកវីហ្គោ ពណ៌ទឹកប្រាក់ត្រូវម្ចាស់វាយកទៅលាងនៅយានដ្ឋានលាងរថយន្តដែលមានយីហោហេង ឡុង១០១ ស្ថិតនៅផ្លូវលេខ១៤៣ សង្កាត់បឹងកេងកងទី៣ ខណ្ឌចំការមន បើកបរចុះពីចំណតលាងរថយន្តជ្រុលល្បឿន ទៅបុករះប៉ះរថយន្តខូចខាតមូយគ្រឿង និងម៉ូតូចំនួន៤គ្រឿង បណ្តាលឲ្យមានមនុស្ស ពីរនាក់របួសវេលាម៉ោង១១ និង៥០នាទីថ្ងៃទី២៩ មករា ឆ្នាំ២០១២ ។
តាមប្រភពព័ត៌មានទាក់ទិននឹងហេតុការណ៍គ្រោះថ្នាក់ចរាចរណ៍ខាងលើនេះបានឲ្យដឹងថាមុនពេលកើតហេតុម្ចាស់រថយន្តវីហ្គោបានយករថយន្តទៅលាងនៅយានដ្ឋានលាងរថយន្តខាងលើ ក្រោយពីលាងរួចម្ចាស់វាក៏បានបើករថយន្តចុះពីកន្លែងលាង ស្រាប់តែជ្រុលល្បឿនក៏ស្លន់ស្លោស្ទុះទៅបុករថយន្តម៉ាកកាមរីឆ្លាមពណ៌ត្រីឆ្លូញមួយគ្រឿងដែលចតស្ងៀមទៅផ្ទុបនឹងគល់ឈើបណ្តាលឲ្យខូចខាតរថយន្តយ៉ាងដំណំ ។ ក្នុងហេតុការណ៍ជាមួយគ្នានេះដែរ រថយន្តវីហ្គោដដែលក៏បានជ្រុលល្បឿនបុករះម៉ូតូផ្សេងៗដែលចតក្បែរនោះ និងកំពុងធ្វើដំណើរតាមដងផ្លូវនៅចំណុចកើតហេតុបណ្តាលឱ្យខូចខាតអស់ចំនួន៤គ្រឿងទៀត និងមនុស្សពីរនាក់រងរបួសធ្ងន់ ។
ក្នុងហេតុការណ៍គ្រោះថ្នាក់ខាងលើនេះ អ្នកដែលបើកបររថយន្តនោះបានគេចខ្លូនបាត់ហើយប៉ូលិសមូលដ្ឋានសហការជាមួយប៉ូលិសនៃការិយាល័យជំនាញចុះវាស់វែងដកហូតរថយន្តបង្កហេតុនិងរថយន្តដែលទទួលរងការខូចខាតរួមជាមួយម៉ូតូបួនគ្រឿងផ្សេងទៀតដែលខូចខាតក្នុងហេតុការណ៍ជាមួយគ្នានោះទៅរក្សាទុកនៅការិយាល័យដើម្បីចាត់ការតាមផ្លូវច្បាប់ ៕
ដោយ ៖ ប្រុសកោះ
ដកស្រង់ពីគេហទំព័រ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
