រាជធានីភ្នំពេញ ៖ រថយន្តម៉ាកកាមរីឆ្លាមមួយគ្រឿងបើកបរដោយស្ត្រីម្នាក់ទំនងជាស្រវឹងស្រាផងនោះ បោះពួយយ៉ាងលឿនជ្រុលទៅបុកម៉ូតូសណ្តោងរទេះលក់ប្រហិត ដែលកំពុងបើកឆ្លងផ្លូវពេញទំហឹង បណ្តាលឱ្យបាក់បែកខ្ទេចខ្ទីកំពប់ប្រហិត និងទឹកសុទ្ធជ្រុះរាយប៉ាយពេញផ្លូវ តែសំណាងល្អអ្នកលក់ប្រហិតនោះមិនមានរបួសឡើយ និងបានហៅម៉ូតូឌុបជិះដេញតាមឃាត់រថយន្តឆ្លាមនោះបានភ្លាមៗ ហើយទាមទារសំណង២០០ដុល្លារ ប៉ុន្តែទីបំផុត ត្រូវរ៉ូវគ្នាសង៤០ដុល្លារ ។
ឧប្បត្តិហេតុគ្រោះថ្នាក់ចរាចរណ៍នោះបានកើតឡើងកាលពីវេលាម៉ោង១០ និង១៥នាទីយប់ ថ្ងៃទី២៨ ឧសភា ២០១២ លើកំណាត់មហាវិថីសហព័ន្ធរុស្ស៊ីត្រង់ចំណុចមុខផ្សារស៊ិនជូរីប្លាហ្សា ភូមិប៉ប្រកខាងត្បូង សង្កាត់កាកាប ខណ្ឌពោធិ៍សែនជ័យ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]