ខេត្តកំពត ៖ នគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តបានទទួលពាក្យបណ្តឹងពីអាណាព្យាបាលនារីរងគ្រោះកាលពីថ្ងៃទី១៨ មករា ២០១២ កន្លងមកនេះ ដោយប្តឹងថា នារីរងគ្រោះត្រូវក្មេងទំនើង៤នាក់ ចាប់រំលោភសេពសន្ថវៈរហូតបានសម្រេចកាលពីវេលាម៉ោង១១យប់ថ្ងៃទី១៤ មករា នៅខេត្តត្រាត ប្រទេសថៃ ។
នារីរងគ្រោះបានឱ្យដឹងថា មុនពេលកើតហេតុបន្ទាប់ពីចប់ម៉ោងធ្វើការនៅប្រទេសថៃ នាងត្រូវបានឈ្មោះពេជ្រ សុផាត ហៅណាច បបួលទៅញ៉ាំបាយនៅខាងក្រៅ ដោយមានមិត្តភក្តិរបស់គេទៅជាមួយដែរ ។ ខណៈដឹកចូលផ្សារត្រាត (ប្រទេសថៃ) មួយភ្លេត ក៏ដឹកបង្ហួសទៅបន្ទប់ស្នាក់នៅរបស់ពួកគេរួចចាប់បង្ខំធ្វើសកម្មភាពរំលោភសេពសន្ថវៈម្តងម្នាក់ៗប្តូរវេនគ្នារហូតសន្លប់ជាលើកទី១ នៅទីនោះ ។ នារីរងគ្រោះបានឱ្យដឹងទៀតថា នៅវេលាយប់ដដែលក្រោយពីខ្លួនងើបពីសន្លប់ ស្រាប់តែមានបក្សពួកវាពីរនាក់ក្នុងចំណោមទាំង៤នាក់ ដែលរំលោភលើកទី១ហើយនោះបានចាប់នាងរំលោភម្តងម្នាក់ៗប្តូរវេនគ្នាដូចលើកមុនធ្វើឱ្យនាងសន្លប់ជាលើកទី២។ លុះបានច្បាប់សម្រាកបុណ្យចូលឆ្នាំចិន-វៀតណាមនេះ ទើបនាងយករឿងមកប្រាប់អាណាព្យាបាលដើម្បីដាក់ពាក្យបណ្តឹងពីព្រោះជនសង្ស័យទាំងបួននាក់នោះនាងបានស្គាល់អត្តសញ្ញាណអស់ហើយ ទើបក្រោយពីដាក់ពាក្យបណ្តឹងនគរបាលការិយាល័យព្រហ្មទណ្ឌនៃស្នងការដ្ឋាននគរបាលខេត្ត សហការជាមួយកម្លាំងសមត្ថកិច្ចថៃឈានទៅចាប់ជនសង្ស័យបាន៣នាក់ប្រគល់ឱ្យទៅនគរបាលខ្មែរនៅថ្ងៃទី២៥ មករា ២០១២ រីឯជនសង្ស័យម្នាក់ទៀតបានដឹងខ្លួនទាន់ក៏រត់គេចខ្លួនបាត់ពីកន្លែងស្នាក់នៅក្នុងប្រទេសថៃ ។
ប្រភពបន្តទៀតថា នារីរងគ្រោះខាងលើឈ្មោះផ.ស អាយុ១៥ឆ្នាំ មានទីលំនៅស្រុកឈូក ទៅស៊ីឈ្នួលរត់តុនៅហាងកាហ្វេមួយក្នុងខេត្តត្រាត ប្រទេសថៃ ។ ចំណែកជនសង្ស័យដែល នគរបាលឃាត់ខ្លួនបាននេះមាន ១-ឈ្មោះពេជ្រ សុផាត ហៅណាច ភេទប្រុស អាយុ១៩ឆ្នាំ ២-ឈ្មោះថាំង គោ ហៅអាគោ ភេទប្រុស អាយុ១៦ឆ្នាំ ជនទាំងពីរនាក់មានទីលំនៅភូមិខ្នាចរមាស ឃុំនរាយណ៍ ស្រុកឈូក ៣-ឈ្មោះហៃ តៃ ភេទប្រុស អាយុ១៩ឆ្នាំ មានលំនៅភូមិកអណ្តើក ឃុំប្រាសាទ ស្រុកកំពង់ត្របែក ខេត្តព្រៃវែង និងទី៤-សមត្ថកិច្ចសុំមិនបញ្ចេញឈ្មោះកំពុងប្រតិបត្តិការបន្ត៕
ដោយ ៖ ប្រុសកោះ
ដកស្រង់ពី គេហទំព័រ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]