សារព័ត៌មានបរទេសកាលពីថ្ងៃទី២៦ ឧសភា ផ្សាយឱ្យដឹងថា នាងរីប៊េកហ្កា ប៊្លេក ត្រូវក្រុមហ៊ុន«ម៉េនផាវវើប្រូហ្វេស្សិន» ក្នុងទីក្រុងឌូបៃ ប្រទេសអេមីរ៉ាត អារ៉ាប់រួម បណ្តេញចេញពីការងារ ដោយចោទប្រកាន់ថា នាងរួមរ័កក្នុងរថយន្តតាក់ស៊ីនៅទីក្រុងឌូបៃ និងបានពិន័យជាប្រាក់ ឬអាចដាក់ទោសឱ្យជាប់ពន្ធនាគារ ។ បញ្ហានេះបានធ្វើឱ្យនាងរីប៊េកហ្កា ប៊្លេក អាម៉ាស់មុខយ៉ាងខ្លាំង ។ នាងបានប្រមែប្រមូលទ្រព្យសម្បត្តិរបស់ខ្លួនចាកចេញពីក្រុមហុ៊ុនទាំងឈឺចាប់ ក្រោយពីត្រូវក្រុមហ៊ុនបណ្តេញនាងចេញពីការងារ ។
នាងរីប៊េកហ្កា ប៊េ្លក អ្នកជំនួញជនជាតិអង់គ្លេសអាយុ២៩ឆ្នាំ អាចត្រូវតុលាការប្រទេសអេមីរ៉ាតអារ៉ាប់រួម សម្រេចដាក់ពន្ធនាគាររយៈពេល៣ឆ្នាំ ក្រោយពីចាប់ខ្លួនពេលស្រវឹង និងចោទប្រកាន់ថា មានសម្ព័ន្ធភាពស្នេហាក្រៅអាពាហ៍ពិពាហ៍ និងរួមរ័កនៅតាមទីសាធារណៈ ក្នុងរថយន្តតាក់ស៊ី ។ នាងប៊េ្លក មានទំនាក់ទំនងស្នេហាជាមួយលោកមេក ដូណាល់ បុរសស្កុតលែន ហើយបាននាំគ្នាទៅចូលរួមសប្បាយរីករាយក្នុងក្លឹបកម្សាន្តរយៈពេល១២ម៉ោង នៅតំបន់«ឌូបៃ ម៉ារីណា» ។ ពួកគេទាំង២នាក់ត្រូវគេប្រទះឃើញរួមរ័កក្នុងតាក់ស៊ី ហើយអ្នកបើកតាក់ស៊ីបានឃើញតាមកញ្ចក់ ក៏បញ្ឈប់រថយន្ត ហើយទៅប្តឹងប៉ូលិស ។
នៅពេលអ្នកបើកតាក់ស៊ី និងប៉ូលិសដើរទៅដល់រថយន្ត ឃើញនាងប៊្លេក កំពុងរួមរ័កជាមួយគូស្នេហ៍នៅបរិវេណពូកខាងក្រោយខណៈអ្នកទាំង២នាក់ស្ថិតក្នុងសភាពស្រវឹងជោកជាំ ៕
ផ្តល់សិទ្ធដោយ ដើមអម្ពិល
បញ្ចូលអត្ថបទ ៖ ស្រីណា
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]