ខេត្តបន្ទាយមានជ័យ ៖ ស្ត្រីម្នាក់បានរៀបការពេញច្បាប់មានកូនមួយអាយុ៥ឆ្នាំ និងមានទម្ងន់កូនទី២ បីខែទៀតផង បានលបលួចបង្កាត់ភ្លើងស្នេហាជាមួយសង្សារចាស់ តែត្រូវប្តីទាន់ក៏កាប់ទៅលើបុរសជាសហាយបណ្តាលឱ្យរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង៨និង៣០នាទីយប់ថ្ងៃទី២១ មករា ២០១២ នៅផ្ទះរបស់ខ្លួនភូមិអូរអណ្តូងកណ្តាល ឃុំបន្ទាយនាង ស្រុកមង្គលបុរី ។
ស្ត្រីផិតក្បត់ឈ្មោះអ៊ុក សុថារី ហៅចិន អាយុ២៦ឆ្នាំ ។ ចំណែកប្រុសសហាយឈ្មោះគល់ ចាន់រី ហៅពីរ អាយុ២៨ឆ្នាំ នៅភូមិកើតហេតុខាងលើដែរ ។ ដោយឡែកបុរសជាប្តីពេញច្បាប់ និងជាជនដៃដល់ឈ្មោះឈូ ពិត អាយុ២៧ឆ្នាំ ។ ប្រភពពីសមត្ថកិច្ចស្រុកមង្គលបុរី បានឱ្យដឹងថា នៅវេលាម៉ោងលើ ខណៈស្ត្រីអ៊ុក សុថារី កំពុងបង្កាត់ភ្លើងស្នេហានៅក្នុងមុង២នាក់សហាយ ពេលនោះបុរសជាប្តីតាមទាន់ឃើញនឹងភ្នែកទ្រាំមិនបានក៏យកកាំបិតកាប់ប្រហារសហាយបណ្តាលឱ្យរបួសដៃ ពោះ និងស្មាយ៉ាងធ្ងន់ធ្ងរហូរឈាមប្រឡាក់មុងភួយ បើកុំតែបានអ្នកភូមិជួយឃាត់ម៉្លេះលោកសហាយស្លាប់បាត់ទៅហើយ ។
បន្ទាប់ពីធ្វើសកម្មភាពបុរសឈ្មោះឈូ ពិត ក៏គេចខ្លួនបាត់ ។ ឯបុរសជាសហាយត្រូវបានគេដឹកទៅសង្គ្រោះនៅមន្ទីរពេទ្យ ។ កម្មពិតជាទាន់ហន់មែន លួចសីុប្រពន្ធគេត្រូវប្តីគេទាន់ គឺបែបនេះឯង ៕
ដកស្រង់ ពីគេហទំព័រ កោះសន្តិភាព
មតិខ្លះរបស់ប្រិយមិត្ត
សូមអានមតិ ទាំងអស់នៅខាងក្រោមអត្ថបទ
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]