រាជធានីភ្នំពេញ ៖ បុរសវ័យចំណាស់ម្នាក់បានបើករថយន្តមួយគ្រឿងក្នុងសភាពស្រវឹងជោកជាំ ហើយជ្រុលទៅបុករបាំងចែកផ្លូវបណ្តាលឱ្យបាក់១០ផ្ទាំង កាលពីវេលាម៉ោង៨និង៥នាទីយប់ថ្ងៃទី២០ ឧសភា ២០១២ តាមបណ្តោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ។
យោងតាមប្រភពព័ត៌មានពីសមត្ថកិច្ចខណ្ឌសែនសុខ បានឱ្យដឹងថា មុនពេលកើតហេតុមានរថយន្តមួយគ្រឿងម៉ាកនីស្សាន់ ពណ៌ខ្មៅ បើកបរដោយបុរសចំណាស់ម្នាក់ឈ្មោះគួង ហួរ អាយុ៧១ឆ្នាំ ស្នាក់នៅផ្ទះលេខ១៧៩ សង្កាត់ចោមចៅ ខណ្ឌពោធិ៍សែនជ័យ បានបើករថយន្តក្នុងសភាពស្រវឹង ហើយរេពេញថ្នល់ ស្រាប់តែមកដល់ចំណុចកើតហេតុរថយន្តនោះក៏រេចង្កូតទៅបុករបាំងចែកផ្លូវបណ្តាលឱ្យបាក់១០ផ្ទាំង ហើយមានមួយផ្ទាំងខ្ទាតទៅប៉ះនឹងរថយន្តកាមរីស៊េរី២០០៨ មួយគ្រឿងទៀត បណ្តាលឱ្យក្រពឹតខាងមុខបន្តិចបន្តួច ហើយរថយន្តកាមរីនោះបានកិនពីលើរបាំងបណ្តាលឱ្យបែកកង់ក្រោយខាងឆ្វេងបើកទៅមុខលែងរួចផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
