យោងទៅតាមប្រភពព័ត៌មានពីគេហ ទំព័រសិល្បៈឥណ្ឌាចេញផ្សាយកាលពីថ្ងៃពុធ ទី១៦ ឧសភា ឆ្នាំ២០១២ បានឱ្យដឹងថា គម្រោងបេសកកម្មសម្តែងបទចម្រៀងរបស់តារាចម្រៀងប៉ុបឡេឌី ហ្គាហ្គា ក្នុងប្រទេសឥណ្ឌូណេស៊ីនៅថ្ងៃទី៣ មិថុនា ឆ្នាំ២០១២ អាចនឹងត្រូវគេលុបចោលវិញ ។
មូលហេតុដែលនាំឱ្យមានការលុបចោលការមក សម្តែងនៅក្នុងទឹកដីឥណ្ឌូណេស៊ីនេះ ដោយសារប៉ូលិសទីក្រុងចាកាតាមិនព្រមដល់ការអនុញ្ញាត សម្រាប់ការប្រគុំតន្ត្រីបន្ទាប់ពីមានការគំរាមកំហែងពី ក្រុមសកម្មជនអភិរក្សម៉ូស្លីមគ្រោងនឹងធ្វើបាតុកម្មត វ៉ាចំពោះការស្លៀកពាក់សិចស៊ីរបស់តារាចម្រៀងវ័យ២៦ ឆ្នាំរូបនេះ ។
ក្រុមសកម្មជនអភិរក្សម៉ូស្លីមបាននិយាយថា ការតុបតែងខ្លួនសិចស៊ីជ្រុលហួសហេតុរបស់តារាចម្រៀងរូប នេះ នឹងធ្វើឱ្យប៉ះពាល់ដល់សីលធម៌សង្គមរបស់ប្រជាពលរដ្ឋ ម៉ូស្លីម ។
ចំណែកឯពួកម៉ូស្លីមមួយក្រុមទៀតដែលហៅ ខ្លួនឯងថា រណសិរ្សការពារអ៊ិស្លាមបានគំរាមថា យើងនឹងប្រើប្រាស់កម្លាំងរបស់ពួកគេ ដើម្បីទប់ស្កាត់មិនឱ្យតារាចម្រៀងដែលចូលចិត្តព្រលែង ខ្លួនទទេជាន់ទឹកដីឥណ្ឌូណេស៊ីនោះទេ ។ ពួកគេបានបន្តទៀតថា ស្ទីលសម្តែងរបស់គេគឺដូចជាមនុស្សបាតផ្សា ភាពសិចស៊ី និងការស្លៀកពាក់ឈុតក្នុងរបស់នាងនឹងបំផ្លាញសេចក្តី ថ្លៃថ្នូររបស់ប្រជាជនឥណ្ឌូណេស៊ីដែលភាគច្រើនបំផុតកាន់ សាសនាអ៊ិស្លាម ។
ទាក់ទងទៅនឹងដំណឹងមិនទាន់ផ្លូវការនៃ ការលុបចោលនេះ បានធ្វើឱ្យក្រុមអ្នកគាំទ្រមួយចំនួនដែលបានចំណាយប្រាក់ ទិញសំបុត្រចូលទស្សនារួចហើយ ចំនួនជាង៥ម៉ឺននាក់មានការខកចិត្ត និងខឹងសម្បាយ៉ាងខ្លាំង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]