ខេត្តបន្ទាយមានជ័យ ៖ ក្មេងប្រុសជំទង់ម្នាក់អាយុ១៤ឆ្នាំ បានចង.កសម្លាប់ខ្លួន កាលពីវេលាម៉ោង៩យប់ថ្ងៃទី១៣ ឧសភា ឆ្នាំ២០១២ កន្លងទៅនេះ នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ។
ប្រភពព័ត៌មានពីលោករ័ត្ន តក់ នាយប៉ុស្តិ៍នគរបាលរដ្ឋបាលព្រះពន្លាបានឱ្យដឹងថា ក្មេងប្រុសដែលចង.កធ្វើអត្តឃាតនេះឈ្មោះស៊ុន សឿន អាយុ១៤ឆ្នាំ បានយកខ្សែស្បែកជើងចង.ក នឹងខ្សែភ្លើងស្នួភ្ជាប់នឹងជញ្ជាំងផ្ទះសម្រាប់ព្យួរខោ អាវក្នុងបន្ទប់ ។ ប្រភពព័ត៌មាននោះបានបន្តថា តាមការអះអាងពីឪពុកម្តាយក្មេងប្រុសរូបនោះបានប្រាប់សមត្ថ កិច្ចថា មុនពេលកើតហេតុ កូនគាត់បានឡើងពីដាក់មងក្នុងស្ទឹង រួចដើរលេងជាធម្មតាជាមួយក្មេងៗក្នុងភូមិនៅផ្ទះជិត គ្នា និងបានចិតស្វាយចែកគ្នាហូបទៀតផង ។ លុះម៉ោង៦ល្ងាចពេលហូបបាយមិនឃើញដូចសព្វដង ប្អូនស្រីអាយុ៧ឆ្នាំក៏បានដើររក តែរកមិនឃើញ រហូតដល់ម៉ោង៩យប់គាត់សង្ស័យថាកូនគាត់ដេកក៏ឱ្យកូន ស្រីទៅមើលក្នុងបន្ទប់ ស្រាប់តែឃើញចង.កស្លាប់មិនដឹងតាំងពីពេលណានោះទេ ។
លោករ៉ែម វីរៈ អធិការនគរបាលក្រុងសិរីសោភ័ណបានបញ្ជាក់ថា តាមការត្រួតពិនិត្យលើសាកសពក្មេងប្រុសរូបនោះគឺពិតជាចង .កធ្វើអត្តឃាតមែន ដោយយកខ្សែស្បែកជើងចង.កភ្ជាប់នឹងខ្សែភ្លើងស្នួសម្រាប់ ព្យួរខោអាវក្នុងបន្ទប់ដេក ។ ចំពោះមូលហេតុ គ្មាននរណាដឹងពិតប្រាកដឡើយ ព្រោះបើតាមសម្តីឪពុកម្តាយថា កូនគាត់មិនមានជំងឺឬក៏មានវិបត្តិអ្វីនោះទេ ។
ក្រោយពីពិនិត្យរួច សពក្មេងប្រុសរូបនោះត្រូវបានប្រគល់ឱ្យឪពុកម្តាយរៀបចំ ធ្វើបុណ្យតាមប្រពៃណីទាំងក្តីសោកសៅជាទីបំផុត ។ ទោះបីជាបែបណា ករណីនេះពិតជាធ្វើឱ្យមានការងឿងឆ្ងល់ខ្លាំងណាស់ដែល ក្មេងប្រុសជំទង់ម្នាក់បែរជាចង.កធ្វើអត្តឃាត ហាក់ដូចជាមនុស្សធំពេញវ័យដែលមានវិបត្តិផ្លូវចិត្ត ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
