រាជធានីភ្នំពេញ ៖ បុរសម្នាក់បានរងគ្រោះរហូតសន្លប់ដោយសារជិះម៉ូតូបុកគ្នាជាមួយ រថយន្ត កាលពីវេលាម៉ោង១០និង៣០នាទីយប់ថ្ងៃទី១២ ឧសភា នៅជាប់របងទីបញ្ជាការកងរាជអាវុធហត្ថលើផ្ទៃប្រទេស កែងមហាវិថីសេនាប្រមុខ គីម អ៊ីលស៊ុង និងផ្លូវលេខ៥២៨ ស្ថិតក្នុងសង្កាត់បឹងកក់ទី២ ខណ្ឌទួលគោក ។
សាក្សីនៅកន្លែងកើតហេតុឱ្យដឹងថា រថយន្តឡង់គ្រីស្ស័រ ពណ៌ខ្មៅ បើកតាមផ្លូវលេខ៥២៨ ពីកើតទៅលិចឆ្លងកាត់មហាវិថីសេនាប្រមុខ គីម អ៊ីលស៊ុង ចំណែកម៉ូតូសេ១២៥ ស៊េរីឆ្នាំ២០០៧ ពណ៌ខ្មៅ បើកបរដោយបុរសម្នាក់ ធ្វើដំណើរតាមមហាវិថីសេនាប្រមុខ គឹម អ៊ីលស៊ុង ពីត្បូងទៅជើង ។ ខណៈមកដល់ចំណុចខាងលើដែលជាផ្លូវកែង ម៉ូតូ្មិនបានបង្អង់ទេ ឯរថយន្តបើកឆ្លងកាត់ផ្លូវចូលដល់ផ្លូវម៉ូតូ ពេលឃើញម៉ូតូបើកលឿនមកដល់រថយន្តក៏បន្ថយល្បឿន តែវាយឺតពេលទៅហើយក៏បុកគ្នាខ្ទាតអ្នកបើកម៉ូតូទៅចិញ្ចើម ផ្លូវសន្លប់ស្តូកស្តឹង ។
ជនរងគ្រោះឈ្មោះ សឿន ធារ៉ាត់ អាយុ២៨ឆ្នាំ ស្នាក់នៅក្នុងសង្កាត់ស្ទឹងមានជ័យ ខណ្ឌមានជ័យ ត្រូវរថយន្តសង្គ្រោះដឹកយកទៅព្យាបាលនៅគី្លនិកឯកជនមួយ លុះបន្ទាប់ពីដឹងខ្លួនឡើងវិញ ក៏មិនចាំពីរឿងគ្រោះថ្នាក់ដែលកើតឡើងនេះទេ ។ ក្រោយពេលកើតហេតុ ប៉ូលិសចរាចរបានចុះទៅវាស់វែង ប៉ុន្តែម្ចាស់រថយន្តដែលទើបនឹងត្រឡប់មកពីហូបការវិញបានទៅ ធ្វើការចរចាដល់គ្លីនិក ដោយសម្រួលសងថ្លៃព្យាបាលនិងជួសជុលម៉ូតូចំនួន៥០ដុល្លារ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]