រាជធានីភ្នំពេញ ៖ យុវជនជាកម្មករសំណង់ម្នាក់តូចចិត្ដនឹងស្នេហាមិនដូចបំណងបានចង.កធ្វើអត្ដឃាតនៅលើបន្ទប់ឡៅតឿជាន់ទី១ ក្នុងការដ្ឋានសំណង់ផ្ទះល្វែងដែលកំពុងសាងសង់ មានទីតាំងនៅក្រុមទី១ ភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ កាលពីវេលាម៉ោង៥និង៣០នាទីល្ងាចថ្ងៃទី១៩ មករា ។
យុវជនគិតខ្លីធ្វើអត្ដឃាតនេះមានឈ្មោះសុខ អាយុ១៨ឆ្នាំ ជាកម្មករសំណង់ស្នាក់នៅកន្លែងកើតហេតុខាងលើ មានស្រុកកំណើតនៅភូមិចុងជ្រៃ ឃុំស្វាយអន្ទរ ស្រុកស្វាយអន្ទរ ខេត្ដព្រៃវែង។ តាមសំដីឈ្មោះសួន សុភ័ណ្ឌ ភេទប្រុស អាយុ៣៣ឆ្នាំ ជាមេការសំណង់នៅការដ្ឋានខាងលើបានឱ្យដឹងថា ជនរងគ្រោះជាកូនកំព្រារស់នៅជាមួយជីដូន បានមកសុំធ្វើការជាមួយគាត់រយៈពេលមួយឆ្នាំមកហើយ។ ប្រភពបានបន្ដថា រយៈពេលពីរបីខែកន្លងមកនេះ ជនរងគ្រោះតែងតែនិយាយប្រាប់ប្រពន្ធរបស់គាត់ថា មិនចង់រស់ទេ ចង់តែសម្លាប់ខ្លួនគ្រាន់តែឮបែបនេះប្រពន្ធរបស់គាត់ក៏សួរថា ម៉េចក៏ចង់សម្លាប់ខ្លួនរឿងអី ជនរងគ្រោះក៏ឆ្លើយថា ស្រឡាញ់កូនស្រីគេ ប៉ុន្ដែឪពុកម្ដាយនាងមិនព្រម ដោយសារតែរូបគេជាកម្មករសំណង់។
ប្រភពដដែលបន្ដទៀតថា នៅថ្ងៃកើតហេតុវេលាម៉ោង១រសៀលជនរងគ្រោះបានសុំច្បាប់សំរាកមួយល្ងាច ដោយប្រាប់ថា អត់ស្រួលខ្លួន រួចក៏ឡើងទៅសំរាកនៅឡៅតឿជាន់ទីមួយ។ រហូតដល់ម៉ោង៥និង៣០នាទីល្ងាច កម្មករដែលធ្វើការជាមួយគ្នាឡើងទៅផ្លាស់សំលៀកបំពាក់ស្រាប់តែឃើញជនរងគ្រោះចង.កនឹងចំរឹងបង្អួចស្លាប់បាត់បង់ជីវិតទៅហើយ។ ភ្លាមៗនោះក៏បានរាយការណ៍ទៅសមត្ថកិច្ចមូលដ្ឋានឱ្យចុះទៅពិនិត្យសាកសពឃើញថាជនរងគ្រោះពិតជាស្លាប់ដោយសារចង.កពិតប្រាកដមែន ៕
ដកស្រង់ ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]