រាជធានីភ្នំពេញ ៖ រថយន្តម៉ាកឡិចស៊ីស RX300 ពណ៌ខ្មៅ មួយគ្រឿងបើកបរក្នុងល្បឿនលឿនបុកជាមួយម៉ូតូម៉ាកឌ្រីមសេ១២៥ ពណ៌ខ្មៅ មួយគ្រឿងក្នុងទិសដៅបញ្ច្រាសទិសគ្នាអូសម៉ូតូចំនួន៣៧ម៉ែត្រ បណ្តាលឱ្យអ្នកបើកបរម៉ូតូដួលបោកក្បាលរងរបួសធ្ងន់ត្រូវបញ្ជូនទៅ សង្គ្រោះនៅមន្ទីរពេទ្យកាល់ម៉ែត ។ ចំណែកអ្នកបើកបររថយន្តបង្កត្រូវបានឃាត់ខ្លួនភ្លាមៗផងដែរ ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ៨និង២០នាទីយប់ថ្ងៃទី១០ ឧសភា ២០១២ នៅតាមផ្លូវបេតុងភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ។ ជនរងគ្រោះឈ្មោះឌឹក សៀន ភេទប្រុស អាយុ២១ឆ្នាំ ជានិស្សិតនៅសាកលវិទ្យាល័យជាតិគ្រប់គ្រងមានលំនៅភូមិព្រៃមៀន ឃុំព្រៃស្លឹក ស្រុកទ្រាំង ខេត្តតាកែវ បានរងរបួសបោកក្បាលធ្ងន់ធ្ងរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
