ខេត្តកំពង់ចាម ៖ ប្តីប្រពន្ធ២នាក់ត្រូវបានរថយន្តម៉ាកឡិចស៊ីស១គ្រឿង ពណ៌ទឹកប្រាក់ បុកពេញទំហឹងខណៈជិះម៉ូតូសង់កូរ៉េពណ៌ក្រហម លើកំណាត់ផ្លូវជាតិលេខ៧ បណ្តាលឱ្យស្លាប់យ៉ាងអាណោចអាធ័ម ។
ហេតុការណ៍នេះបានកើតឡើងកាលពីវេលាម៉ោង៥និង១៥ នាទីល្ងាចថ្ងៃទី៣ ឧសភា ២០១២ ស្ថិតនៅភូមិស្រងែជើង ឃុំស្រងែ ស្រុកព្រៃឈរ បន្ទាប់មករថយន្តបង្កបានក្រឡាប់ផ្ងារជើងច្រងាងរងការខូចខាត យ៉ាងដំណំ ហើយអ្នកអង្គុយអែបនឹងអ្នកបើកបររថយន្តរងរបួសធ្ងន់ត្រូវបានគេ បញ្ជូនទៅសង្គ្រោះនៅមន្ទីរពេទ្យបង្អែកស្រុកព្រៃឈរ និងបន្តទៅសង្គ្រោះនៅមន្ទីរពេទ្យខេត្តភ្លាមៗផងដែរ ។ ពីរនាក់ប្តីប្រពន្ធដែលស្លាប់នោះមាន ១-ឈ្មោះពៅ ឆាយ អាយុ៥៧ឆ្នាំ ជាប្តី និងប្រពន្ធឈ្មោះសាន់ គឿន អាយុ៤៣ឆ្នាំ អ្នកទាំងពីររស់នៅភូមិឃុំកើតហេតុ។ ចំណែកអ្នកជិះរថយន្តរបួសធ្ងន់ឈ្មោះជិន សុភា ភេទប្រុស អាយុ២៦ឆ្នាំ រស់នៅភូមិតាំងត្រពាំង ឃុំល្វា ស្រុកព្រៃឈរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]