ខេត្តពោធិ៍សាត់ ៖ រថយន្តមួយគ្រឿងបានក្រឡាប់ផ្ងារជើងធ្លាក់ទៅចិញ្ចើមផ្លូវដោយសារ អ្នកបើកបរងងុយដេក ។ គ្រោះថ្នាក់ចរាចរណ៍នេះបានកើតឡើងលើផ្លូវជាតិលេខ៥ ត្រង់ចំណុចភូមិស្រះស្រង់ សង្កាត់ព្រៃញី ក្រុងពោធិ៍សាត់ កាលពីវេលាម៉ោង៣ទៀបភ្លឺថ្ងៃទី៣ ឧសភា ២០១២ ។
តាមការផ្តល់ព័ត៌មានពីប៉ូលិសមូលដ្ឋានឱ្យដឹង ថា រថយន្តបង្កគ្រោះថ្នាក់ដោយខ្លួនឯងនេះម៉ាកហ៊ីយ៉ាន់ដាយ ពណ៌ស បើកបរដោយឈ្មោះកាក់ វាសនា ភេទប្រុស អាយុ៣០ឆ្នាំ រស់នៅខេត្តកំពង់ស្ពឺ ។ ប៉ុន្តែគ្រោះថ្នាក់ចរាចរណ៍នេះមិនបណ្តាលឱ្យមនុស្សស្លាប់ ឬរងរបួសទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]