ខេត្តសៀមរាប ៖ គ្រោះថ្នាក់ចរាចរណ៍មួយបានកើតឡើងរវាងរថយន្ត និងម៉ូតូសេ១២៥មួយគ្រឿងនៅចំណុចផ្លូវលេខ៦ កាលពីវេលាម៉ោង១១និង២០នាទីជិតថ្ងៃត្រង់ ស្ថិតនៅភូមិបន្ទាយចាស់ សង្កាត់ស្លក្រាម ក្រុងសៀមរាប បណ្តាលឱ្យភាគីម៉ូតូរងរបួសពីរនាក់ប្តីប្រពន្ធ ឯកូនប្រុសរួចផុតពីគ្រោះថ្នាក់ ។
តាមប្រភពពីសាក្សីបាននិយាយថា មុនពេលកើតហេតុ រថយន្តទួរីស ពណ៌ទឹកដោះគោ មួយគ្រឿង បានបើកពីលិចទៅកើតបត់ចូលបម្រុងដាក់អីវា៉ន់ ស្រាប់តែបែកកង់ក្រោយចំពេលដែលមានម៉ូតូសេ១២៥ បើកបញ្ច្រាសគ្នា ពីកើតទៅលិចមកដល់ល្មមក៏បុករថយន្តទួរីសនោះពេញទំហឹងបណ្តាល ឱ្យរងរបួសពីរនាក់ប្តីប្រពន្ធឯកូនប្រុសសំណាងល្អមិនរងរបួសទេ តែម៉ូតូត្រូវខូចខាតខាងមុខខ្ទេច ។
លោកអនុសេនីយ៍ត្រី ធិន សារិន បានឱ្យដឹងថា អ្នកបើករថយន្តទួរីសឈ្មោះបឿន សេងហាន ភេទប្រុស អាយុ២៨ឆ្នាំ ជាអ្នកស៊ីឈ្នួលបើករថយន្តឱ្យថៅកែនៅផ្សារលើធំថ្មី ស្នាក់នៅភូមិបន្ទាយចាស់ សង្កាត់ស្លក្រាម ក្រុងសៀមរាប ។ ចំណែកអ្នកបើកម៉ូតូសេ១២៥ ពណ៌ខ្មៅ ស៊េរី ២០១០ ឈ្មោះ លឿត លៀន អាយុ៣១ឆ្នាំ រងរបួសជើងស្តាំ ឯស្រី្តជាប្រពន្ធឈ្មោះ ឈីប លត អាយុ៣១ឆ្នាំ រងរបួសដាច់ស្បែកត្រង់ជើងខាងស្តាំ គ្រួសារនេះរស់នៅក្នុងភូមិចំណារលើ ឃុំចំណារលើ ស្រុកស្ទោង ខេត្តកំពង់ធំ ។
ក្រោយពេលកើតហេតុមន្ត្រីប៉ូលិសចរាចរ បានធ្វើការវាស់វែងរួចបញ្ជូនរថយន្តនិងម៉ូតូទៅរក្សាទុកនៅ គោលដៅមុខព្រះរាជដំណាក់ដើម្បីរង់ចាំភាគីទាំងសងខាងចូលមកដោះ ស្រាយតាមផ្លូវច្បាប់ ៕
ដោយ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]