ភ្នំពេញ  ៖ ចោរគាស់ផ្ទះរបស់ប្រជាពល រដ្ឋ ម្នាក់ ត្រូវបានម្ចាស់ផ្ទះ និងប្រជាពលរដ្ឋ នៅក្បែរកន្លែងកើតហេតុ ចាប់ប្រគល់ជូន នគរបាលប៉ុស្ដិ៍ទឹកថ្លា ខណ្ឌសែនសុខ នៅ ពេលដែលជនសង្ស័យរូបនេះ កំពុងធ្វើសកម្មភាព គាស់បន្ទប់ជួលរបស់កម្មការិនីកាត់ដេរ កាលពីវេលាម៉ោង២និង៣០នាទី រសៀលថ្ងៃទី១០ ខែកញ្ញា ឆ្នាំ២០១៣នេះ ស្ថិតនៅបន្ទប់លេខ៤ តាមបណ្ដោយផ្លូវលេខ២០០២ សង្កាត់ទឹកថ្លា ខណ្ឌសែនសុខ ។

សេចក្ដីរាយការណ៍ពីកន្លែងកើតហេតុ បានឱ្យដឹងថា ខណៈដែលជនសង្ស័យឈ្មោះ ម៉ៅ មាស អាយុ២៣ឆ្នាំ ស្នាក់នៅក្នុងសង្កាត់ ស្ទឹងមានជ័យ ខណ្ឌមានជ័យ កំពុងធ្វើសកម្ម ភាពគាស់បន្ទប់ជួល ដែលកម្មការិនីកាត់ដេរ ជួលស្នាក់នៅនោះ ក៏ត្រូវម្ចាស់បន្ទប់ឃើញ ទាន់ហើយស្រែកឆោឡោ ក៏ត្រូវប្រជាពលរដ្ឋ នៅក្បែរទីនោះ នាំគ្នាមកឡោមព័ទ្ធនឹងចាប់បានប្រគល់ឱ្យសមត្ថកិច្ចមូលដ្ឋាន។

បច្ចុប្បន្នជនសង្ស័យរូបនេះ ស្ថិតក្រោមការសាកសួរ ពីសំណាក់សមត្ថកិច្ចប៉ុស្តិ៍ទឹកថ្លានៅឡើយ រង់ចាំការចាត់ការបន្តទៀត៕





បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ