បុរសម្នាក់បានស្លាប់ ដោយសារស្លាបកន្ទុំរុយបញ្ជាមួយគ្រឿង ហោះបុកជាប់ក្បាល

យោងតាមសារព័ត៌មាន abcnews បានឲ្យដឹងថា បុរសម្នាក់មានឈ្មោះថា Roman Pirozek អាយុ ១៩ឆ្នាំ បានស្លាប់ដោយសារកន្ទុំរុយបញ្ជាមួយគ្រឿង ហោះមកបុក ហើយស្លាបរបស់វា បានបុកជាប់ក្បាលបុរសនោះ បណ្តាលឲ្យស្លាប់បាត់បង់ជីវិត នៅនឹងកន្លែងកើតហេតុតែម្តង។

ហេតុការណ៏នេះបានកើតឡើង កាលពីវេលាម៉ោង ៣ និង ៣០នាទីល្ងាច ថ្ងៃព្រហស្បត្តិ៏ ទី០៥ ខែកញ្ញា នៅក្នុងសួនមួយកន្លែង ដែលមានឈ្មោះថា “Calvert Vaux Park” ស្ថិតក្នុងទីក្រុង New York សហរដ្ឋអាមេរិក ដែលជាទីកន្លែងដែលអនុញ្ញាតឲ្យ បង្ហោះកន្ទុំរុយបញ្ជាលេង។

បើតាមសម្តីប៉ូលីសបានឲ្យដឹងថា គ្រោះថ្នាក់នេះមិនមែនជាបទឧក្រិដ្ឋអ្វីឡើយ នេះគឺជាគ្រោះថ្នាក់ដោយចៃដន្យ ប៉ុន្តែប៉ូលីសមិនទាន់បានកំណត់ ម៉ាក និងការផលិត នៃកន្ទុំរុយបញ្ជានោះទេ។ ប៉ូលីសបានបន្តទៀតថា កន្ទុំរុយបញ្ជាមួយគ្រឿងនោះ មានស្លាបប្រវែង ១.២១ម៉ែត្រ ដែលអាចបង្កើនល្បឿនរហូតដល់ទៅ ៦០គីឡូម៉ែត្រក្នុងមួយម៉ោង៕

ដោយ ៖ ប៊ី

ខ្មែរឡូត