រាជធានីភ្នំពេញ ៖ ស្ត្រីជនជាតិវៀតណាមម្នាក់មានអាការស្លេកស្លាំងដើរដួលជាច្រើន ដងបង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋាននៅម្តុំរមណីយដ្ឋានវត្តភ្នំកាលពីវេលា ម៉ោង៨និង៣០នាទីព្រឹកថ្ងៃទី២៤ មេសា ២០១២ ដែលគេសង្ស័យថា ស្ត្រីរូបនោះទំនងជាលេបថ្នាំប៉ុនប៉ងសម្លាប់ខ្លួន ។
ស្ត្រីខាងលើបានអង្គុយធ្លាក់ពីលើកៅអីជា ច្រើនលើក និងមានស្មារតីវង្វេងវង្វាន់និយាយលែងដឹងខុសត្រូវ ។ ភ្លាមៗនោះគេឃើញកម្លាំងនគរបាលប៉ុស្តិ៍រដ្ឋបាលវត្តភ្នំបាន ទៅដល់ចំណុចកើតហេតុហើយបានសួរនាំស្ត្រី ជនជាតិវៀតណាមនោះ តែស្ត្រីនោះនិយាយថា ដោយសារខ្លួនខឹងកូននិយាយមិនស្តាប់ ទើបគាត់លេបថ្នាំ និងជិះម៉ូតូឌុបមករមណីយដ្ឋានវត្តភ្នំ ។ តែពេលនេះគាត់មានស្មារតីហាក់ដូចជាភ្លេចមុខភ្លេចក្រោយ ។ ស្ត្រីរូបនេះបានប្រាប់ថា ឈ្មោះឡេង ធីធូ ជនជាតិវៀតណាម អាយុ៤៦ឆ្នាំ ស្នាក់នៅផ្ទះជួលសង្កាត់ផ្សារកណ្តាលទី២ ខណ្ឌដូនពេញ មានកូនម្នាក់តែគាត់បញ្ជាក់មិនមែនលេបថ្នាំ សម្លាប់ខ្លួននោះទេ គឺលេបថ្នាំព្យាបាលជំងឺប្រចាំកាយ ហើយទំនងជាលេបជ្រុលទើបថ្នាំធ្វើទុក្ខ បណ្តាលឱ្យសមត្ថកិច្ចយល់ច្រឡំថា គាត់លេបថ្នាំធ្វើអត្តឃាត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]