នារីម៉ាឡេស៊ីសុខចិត្ដរៀបការជាមួយនឹង បុរសពិការដែលដេកនៅនឹងមួយកន្លែង គួរឲ្យសរសើរ!

នារីម៉ាឡេស៊ីម្នាក់ដែលមានអាយុ ៣១ឆ្នាំ  បានរៀបការជាមួយនឹង បុរសពិការដែលគេងនៅលើគ្រែ នៅក្នុងប្រទេសចិន កាលពីថ្ងៃទី ៧ ខែសីហា ឆ្នាំ ២០១៣ ក្រោយពីស្គាល់គ្នា អស់រយៈពេលពីរឆ្នាំ តាមរយៈអនឡាញនោះ។

យោងទៅតាមសារព័ត៌មានរបស់ឆាយណាស្មេគ បានឲ្យដឹងថា នារីជនជាតិម៉ាឡេស៊ី ដែលមានឈ្មោះថា Yan Shuying ដែលនាងបាននិយាយថា នាងបានត្រៀមចិត្ដរួចរាល់ហើយ ក្នុងការចែករំលែកភាពសប្បាយរីករាយ និង ទុក្ខព្រួយ ជាមួយនឹងបុរសនេះ ដែលត្រូវបានគេស្គាល់ឈ្មោះថា Li Kangyu អាយុ ៣៨ឆ្នាំ។ សម្រាប់បុរសនេះផ្ទាល់ ត្រូវបានគេដឹងថាមានជំងឺ ជាច្រើនមុខ ដែលបណ្ដាលឲ្យបុរសនេះដេកនៅនឹងមួយកន្លែង និងទទួលបានប្រាក់ជីវភាពដ៏ទាបគឺ ២,៣០០យ័ន ឬ ៤៧៧.៩០ ដុល្លារអាមេរិក ពីរដ្ឋាភិបាល។ យ៉ាងណាមិញ ក្រុមគ្រួសារទាំងសងខាង បានធ្វើការហាមឃាត់ពួកគេ តែនៅមិនអាចធ្វើការឃាត់ឃាំងបាន ដោយសារតែភាពរឹងទទឺង។ នៅក្នុងនោះ នារីជាកូនក្រមុំនេះ បាននិយាយថា អនាគតប្ដីរបស់នាង ល្អជាងអ្នកដទៃ ដូចជា គាត់អ្នកមានចំនេះដឹងជាច្រើន ដែលទោះបីគាត់មិនដែលបានចូលសាលាមានជំងឺបែបនេះក៏ដោយ និងមានភាពឆ្លាតវៃ។  នាងបានបន្ថែមថា ដើម្បីសន្សំប្រាក់ទុករៀបការ ដោយនាងបានទិញរ៉ូបរៀបការ តាមអនឡាញ ដែលមានតម្លៃតែ ៣៤.២៨ ដុល្លារអាមេរិកតែប៉ុណ្ណោះ។ 

តើស្នេហាពិតជាធំធេង និងអាចទទួលយកអ្វីគ្រប់បែបយ៉ាងមែនទេ?

ខ្មែរឡូត