មនុស្សណាក៏មានអតីតកាលដែរ តែបើនិយាយចំពោះមនុស្សពីរនាក់ដែលស្រឡាញ់គ្នា ដាច់ខាតកុំសួរនាំរឿងអតីតកាល ជាពិសេសគឺ រឿងដែលទាក់ទងទៅនឹងសង្សារចាស់ ព្រោះទោះជាយ៉ាងណា គេក៏បានបែកគ្នាជាមួយអ្នកចាស់ហើយ ហើយអ្វីដែលសំខាន់ គឺយើងជាបច្ចុប្បន្នរបស់គេ ដូច្នេះ មិនគួរទៅសួរនាំរឿងពីមុខរបស់គេ និងសង្សារចាស់របស់គេនោះឡើយ។

រូបតំណាង

មនុស្សពីរនាក់ដែលស្រឡាញ់គ្នាពិត គឺត្រូវគិតលើបច្ចុប្បន្ន និងទៅអនាគតជាមួយនឹងគ្នា មិនមែនខ្វាយខ្វល់តែរឿងអតីតកាលរបស់ដៃគូនោះឡើយ ព្រោះប្រសិនបើយើងនៅតែគិតគូរ សើរើរឿងកាលពីមុនរបស់គេ គឺមានន័យថា យើងកំពុងតែដាក់ចិត្តប្រកាន់ខ្លាំងនឹងអតីតរបស់គេហើយ ក៏មានន័យថា ព្រោះតែអតីតយលងប្រហែលជានឹងមិនអាចទទួលយកគេបានដូចគ្នាតទៅថ្ងៃមុខ។

រូបតំណាង

សូមចាំថា ដាច់ខាតកុំសើរើ សួរនាំរឿងកាលពីមុនរបស់ដៃគូ តែបើគេនិយាយឱ្យយើងស្ដាប់ យើងក៏ស្ដាប់ទៅ មិនបាច់ទៅយកចិត្តទុកដាក់ខ្លាំងពេក នាំឱ្យកើតជាជម្លោះតែប៉ុណ្ណោះ។ ម្យ៉ាងទៀត ប្រសិនបើគេមិននិយាយប្រាប់យើងទេ ក៏មិនមែនមានន័យថា គេចង់លាក់បាំងយើងឡើយ គ្រាន់តែគេមិនចង់និយាយ ឬរំឭកតែប៉ុណ្ណោះ រឿងខ្លះវានាំឱ្យឈឺចាប់ រឿងខ្លះ វានាំឱ្យមានបញ្ហា​ ដូច្នេះ គេមិននិយាយវាក៏ជារឿងដែលល្អម្យ៉ាងដែរ។

រូបតំណាង

អ្វីដែលសំខាន់ យើងគិតតែបច្ចុប្បន្នរវាងយើង ហើយនឹងគេទៅបានហើយ ហើយខំប្រឹង ពង្រឹងដើម្បីអនាគតរបស់អ្នកទាំងពីរ វាល្អជាងការដែលយើងយកចិត្តទៅគិតខ្វល់ដល់រឿងកាលពីមុន ព្រោះថាពេលនេះ យើងជាបច្ចុប្បន្នរបស់គេ ហើយក៏ជាអនាគតរបស់គេដែរ ដូច្នេះ កុំទៅខ្វល់ពីអ្នកដទៃដែលជាអតីតនោះអី៕

រូបតំណាង

ខ្មែរឡូតសូមរក្សាសិទ្ធិ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ