រាជធានីភ្នំពេញ ៖ បុរសម្នាក់បានជិះម៉ូតូដួលសន្លប់បាត់ស្មារតីតែម្នាក់ឯងដោយសារតែ ស្រវឹងជោកជាំកាលពីវេលាម៉ោង១រំលងអធ្រាត្រឈានចូលថ្ងៃទី១១ មេសា ២០១២ តាមបណ្ដោយផ្លូវ២៧១ ក្នុងសង្កាត់ទឹកថ្លា ខណ្ឌសែនសុខ ។
ប្រភពពីមន្ដ្រីកងរាជអាវុធហត្ថខណ្ឌសែនសុខដែល ឃើញហេតុការណ៍បានឱ្យដឹងថា មុនពេលកើតហេតុម៉ូតូម៉ាកឌ្រីមសេ១២៥ ពណ៌ខ្មៅ បើកបរដោយបុរសម្នាក់ពីជើងទៅត្បូង។ លុះមកដល់ចំណុចកើតហេតុ ស្រាប់តែដួលប្រាវទៅនឹងចិញ្ចើមផ្លូវ ហើយសន្លប់បាត់ស្មារតីតែម្ដង។ ទោះយ៉ាងណាមន្ដ្រីកងរាជអាវុធហត្ថបានឱ្យដឹងទៀតថា នេះជាសំណាងល្អនៅពេលដែលលោកធ្វើដំណើរឆ្លងកាត់ផ្លូវនេះ ឃើញហេតុការណ៍តែបើសិនជាចំជនខិលខូចហើយយប់ស្ងាត់ថែមទៀតគេនឹងយក ម៉ូតូជនរងគ្រោះទៅបាត់ដោយសុវត្ថិភាព។
ក្រោយពីជួយជនរងគ្រោះមន្ដ្រីកងរាជអាវុធហត្ថ ម្នាក់នេះបានឆែកទូរស័ព្ទជនរងគ្រោះ និងទាក់ទងបងប្អូនក្រុមគ្រួសារឱ្យមកទទួលយកទៅផ្ទះជាមួយនឹង ម៉ូតូផងដែរ៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
