ភ្នំពេញ៖ និស្សិតឆ្នាំទី២នៃសាកលវិទ្យាល័យភ្នំពេញអន្តរជាតិម្នាក់ ក្នុងចំណោមបក្ខពួកម្នាក់ទៀតបាន ជិះម៉ូតូឌុបគ្នាម៉ាកស្មាស ពណ៌ក្រហម ធ្វើសកម្មភាពឆក់ទូរស័ព្ទម៉ាកអាយហ្វូនហ្វ័របានសម្រេច ប៉ុន្តែ ត្រង់ថ្ងៃស៊យ បែរជាធ្លាក់ពីម៉ូតូ រត់មិនរួចក៏ត្រូវពលរដ្ឋព័ទ្ធចាប់បាន និងស្វាគមន៍ម្នាក់១ដៃៗ បិះ ក្ស័យ ជីវ៉ា ទម្រាំនគរបាលចុះដល់កន្លែងកើតហេតុ។
ហេតុការណ៍ពលរដ្ឋដេញព័ទ្ធចាប់ជនសង្ស័យបានកើតឡើងកាលពីម៉ោង៣និង៤០នាទី រសៀល ថ្ងៃទី ១០ ខែមករា ឆ្នាំ២០១២ ស្ថិតនៅភ្លើងស្តុបមន្ទីរពេទ្យអង្គឌួង សង្កាត់ផ្សារចាស់ ខណ្ឌដូនពេញ រាជធានី ភ្នំពេញ។
ប្រភពព័ត៌មានពីនគរបាលប៉ុស្តិ៍ផ្សារចាស់បានឲ្យដឹងថា ជនសង្ស័យឈ្មោះ លុយ សុភក្ត្រ ភេទប្រុស អាយុ ២៥ឆ្នាំ ជានិស្សិតសាកលវិទ្យាល័យភ្នំពេញអន្តរជាតិ ស្នាក់នៅផ្ទះជួលខាងក្រោយថ្មដា សង្កាត់ មនោរម្យ ខណ្ឌ៧មករា រាជធានីភ្នំពេញ និងមានស្រុកកំណើតនៅខេត្តបាត់ដំបង។
ប្រភពបានបន្តថា នៅមុនពេលកើតហេតុ ជនសង្ស័យ២នាក់ជិះម៉ូតូម៉ាកស្មាស ពណ៌ក្រហម១គ្រឿង ដោយឈ្មោះ សុភក្ត្រ ជាអ្នកជិះពីក្រោយ ធ្វើសកម្មភាពឆក់ទូរស័ព្ទម៉ាកអាយហ្វូនហ្វ័រ១គ្រឿងពីឈ្មោះ តាំង គឹមឡេង ភេទប្រុស អាយុ២៥ឆ្នាំ ជាកូនប្រុសថៅកែផ្ទះសំណាក់យីហោហង្សមាស ហើយបើក ម៉ូតូរត់ ប៉ុន្តែចៃដន្យ ឈ្មោះ សុភក្ត្របានធ្លាក់ពីម៉ូតូ ក៏ត្រូវពលរដ្ឋព័ទ្ធចាប់ខ្លួនប្រគល់ឲ្យនគរបាលតែម្តង។
បច្ចុប្បន្ន នគរបាលប៉ុស្តិ៍ផ្សារចាស់កំពុងសាកសួរព័ត៌បន្ថែមពីឈ្មោះ សុភក្ត្រ និងអាចឈានដល់ចាប់ ខ្លួនបក្ខពួកគេដែលកំពុងរត់គេចខ្លួនម្នាក់ទៀត ដើម្បីផ្តន្ទាទោសតាមច្បាប់ ៕
ដកស្រង់ពី គេហទំព័រ នគរវត្ត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]