រាជធានីភ្នំពេញ ៖ ម៉ូតូស្មាស់ ពណ៌ខ្មៅ បើកបរក្នុងល្បឿនលឿនបានពន្លះគ្នាជាមួយម៉ូតូហុងដាឌ្រីមសេ១២៥ នៅចំណុចមុខភោជនីយដ្ឋានចតុមុខ តាមបណ្ដោយផ្លូវជាតិលេខ៥ក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១០និង០៥នាទីយប់ថ្ងៃទី៨ មេសា ២០១២ បណ្ដាលឱ្យយុវជន២នាក់រងរបួស និងបង្កឱ្យមានការឈ្លោះទាស់ទែងគ្នា ព្រោះតែម្នាក់ៗដណ្ដើមយកត្រូវរៀងៗខ្លួន។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុម៉ូតូស្មាស់ជិះគ្នា២នាក់តាមបណ្ដោយផ្លូវជាតិលេខ៥ ពីត្បូងទៅជើងក្នុងល្បឿនលឿន ស្រាប់តែមកដល់កន្លែងកើតហេតុខាងលើក៏បានពន្លះគ្នាជាមួយម៉ូតូហុងដា ឌ្រីមសេ១២៥ពណ៌ខ្មៅ ក្នុងទិសដៅបញ្ច្រាសគ្នា បណ្តាលឱ្យបុរស២នាក់រងរបួសសន្លប់បាត់ស្មារតីតែក្រោយមកក៏ បានដឹងខ្លួនវិញ។
ចំណែកឯអ្នករងរបួសស្រាលបានជជែកឈ្លោះទាស់ទែងគ្នា រកខុសត្រូវយ៉ាងតឹងសរសៃ.ក ហើយសមត្ថកិច្ចក៏បានចុះទៅធ្វើអន្ដរាគមន៍សម្របសម្រួលគ្នាបញ្ចប់ រឿងនៅនឹងកន្លែងកើតហេតុ ៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
