ឡូយណាស់! ក្រុមហ៊ុន OPPO បានរៀបចំកម្មវិធីទទួលពានរង្វាន់ពីស្ថាប័នសារព័ត៌មានបច្ចេកវិទ្យាល្បីឈ្មោះក្នុងប្រទេសកម្ពុជា នាពេលថ្មីៗនេះ!

ភ្នំពេញ៖ នៅរសៀលថ្ងៃទី២៥ ខែវិច្ឆិកា ក្រុមហ៊ុនបច្ចេកវិទ្យាឈានមុន OPPO បានរៀបចំកម្មវិធីទទួលពានរង្វាន់ ដែលមានឈ្មោះថា “មជ្ឈមណ្ឌលសេវាកម្មជួសជុលទូរស័ព្ទដែលមានសាខាច្រើនជាងគេក្នុងប្រទេសកម្ពុជាប្រចាំឆ្នាំ២០២០”  នៅឯមជ្ឈមណ្ឌលសេវាកម្ម OPPO (OPPO Service Center) ដែលមានទីតាំងនៅតាមបណ្តោយវិថីព្រះមុន្នីវង្ស​ (ទល់មុខវត្តកោះ)។ នៅកម្មវិធីនោះផងដែរក៏មានការអញ្ជើញចូលរួមពីពិធីករ ជា វណ្ណារិទ្ធ និង តំណាងក្រុមហ៊ុន Cambo Report ព្រមទាំងបងប្អូនមិត្តៗសារព័ត៌មានជាច្រើនស្ថាប័ន និងអ្នកតំណាងក្រុមហ៊ុនផងដែរ។ ​​

នៅក្នុងកម្មវិធីនោះផងដែរ លោក Victor ដែលជាប្រធាន OPPO Service Center ប្រចាំប្រទេសកម្ពុជាបានមានប្រសាសន៍ថា មជ្ឈមណ្ឌលសេវាកម្មជួសជុលទូរសព្ទ OPPO នឹងបន្តពង្រីកទីតាំងបន្ថែមទៀតនៅឆ្នាំក្រោយ ដើម្បីធ្វើអោយសេវាកម្មកាន់តែទូលំទូលាយ និង កាន់តែប្រសើរ។ លើសពីនេះទៅទៀត យើងក៏មានសេវាកម្មជួសជុលរហ័សមួយម៉ោង ជាមួយនឹងបរិយាកាសល្អ ហើយយើងនឹងឈានទៅកាន់ “មជ្ឈមណ្ឌលសេវាកម្មដែលល្អបំផុត” នៅខាងមុខនេះ។

តួយ៉ាង នៅក្នុងកម្មវិធីនោះផងដែរ ក៏មានការចែកពានរង្វាន់សម្រាប់ប៊្រេនស្មាតហ្វូន ដែលមានមជ្ឈមណ្ឌលសេវាកម្មជួសជុលច្រើនជាងគេពីសំណាក់ Cambo Report ដែលជាស្ថាប័នសារព័ត៌មានបច្ចេកវិទ្យាដ៏សម្បូរបែប និងធំជាងគេនៅក្នុងប្រទេសកម្ពុជាផងដែរ។ ​ដោយមជ្ឈមណ្ឌលសេវាកម្ម OPPO មានទីតាំងចំនួន ១១ ទីតាំងទូទាំងប្រទេសកម្ពុជា ដែលមាន ៤ ទីតាំងស្ថិតនៅក្នុងរាជធានីភ្នំពេញ និង ៧ ទីតាំងនៅតាមបណ្ដាលខេត្តផ្សេងៗទៀតដូចជា ខេត្តសៀមរាប ខេត្តកណ្តាល ខេត្តកំពង់ចាម ខេត្តព្រះសីហនុ ខេត្តបាត់ដំបង ខេត្តក្រចេះ និងខេត្តបន្ទាយមានជ័យ។

ជាក់ស្តែង កាលពីដើមខែវិច្ឆិកានេះ OPPO Service Center ក៏បានប្រកាសនូវកម្មវិធី OPPO Service Month ដែលបង្ហាញពីការជួសជុលរហ័សមិនដល់មួយម៉ោងផងដែរ។

អ្វីដែលកាន់តែពិសេសនៅចុងកម្មវិធី OPPO Service Center ក៏បានប្រកាសនូវកម្មវិធី OPPO Service Day នៅរៀងរាល់ថ្ងៃទី១០​ និង ១១ មានការបញ្ចុះតម្លៃ ២0% លើគ្រឿងបន្លាស់ និង accessory ទូរស័ព្ទ។

គួរបញ្ជាក់ផងដែរថា មជ្ឈមណ្ឌលសេវាកម្មជួសជុលទូរស័ព្ទ OPPO ជួសជុលរហ័ស មានសាខាច្រើន អមជាមួយការប្រូម៉ូសិន អាចនិយាយបានថាគឺជាមជ្ឈមណ្ឌលសេវាកម្មជួសជុលទូរស័ព្ទដែលមានសេវាកម្មល្អជាងគេ៕