ភ្នំពេញ៖ ស្របពេលដែលប្រជាពលរដ្ឋខ្មែរយើងជាច្រើន នៅតាមបណ្តារាជធានី - ខេត្ត កំពុងតែប្រឈមទៅនឹងបញ្ហាគ្រោះទឹកជំនន់នោះ យើងក៏សង្កេតឃើញមានការចូលរូមយ៉ាងមមាញឹក ពីរាជរដ្ឋាភិបាល អាជ្ញាធរ ក្រុមហ៊ុនឯកជន និងបងប្អូនប្រជាពលរដ្ឋ ក្នុងការជួយបរិច្ចាកថវិកា អង្ករ ស្បៀងអាហារ និងឧបករណ៍សំភារៈផ្សេងៗ ដល់អ្នករងគ្រោះដោយសារទឹកជំនន់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក សម្រាប់ក្រុមហ៊ុន ជីហ្គៀ គ្រុប និង ក្រុមហ៊ុន LG Electronics Cambodia ក៏បានចូលរួមចំនែកក្នុងការឧបត្ថម្ភជាអង្ករ ដែលមានចំនួន ២៥តោន ទៅតាមបណ្តាខេត្តមួយចំនួនដូចជា អង្ករ ៥ តោន សម្រាប់រាជធានីភ្នំពេញ ៥តោន សម្រាប់ខេត្តកំពង់ស្ពឺ ៥តោន សម្រាប់ខេត្តពោធិ៍សាត់ ៥តោន សម្រាប់ខេត្តបាត់ដំបង និង ៥តោន សម្រាប់ខេត្តកំពង់ធំ។
បន្ទាប់ពីនោះទៀត ក្រុមហ៊ុនទាំងពីរក៏បានរៀបចំជាទីតាំង សម្រាប់បោកគក់សំលៀកបំពាក់ និងសម្ងួតដោយឥតគិតថ្លៃ ដើម្បីជាការជួយសំរួលដល់កងកំលាំងមានសមត្ថកិច្ច ក៏ដូចជាប្រជាពលរដ្ឋ ដែលបានទទួលរងគ្រោះថ្នាក់ដោយសារទឹកជំនន់នៅក្នុងខណ្ឌដង្កោ រាជធានីភ្នំពេញផងដែរ ដែលទីកន្លែងបោកគក់សំលៀកបំពាក់ នោះមានទីតាំងខាងមុខផ្សារព្រែកជ្រៃ ភូមិព្រែកជ្រៃ សង្កាត់ស្ពានថ្ម ខណ្ខដង្កោ រាជធានីភ្នំពេញ។ ដោយក្រុមហ៊ុនបានរៀបចំ ម៉ាស៊ីនបោកគក់ LG ចំនួន ៥គ្រឿង និងម៉ាស៊ីនសម្ងួតចំនួន ៣គ្រឿង ហើយនឹងមានក្រុមការងារដើម្បីជួយសំរួលក្នុងការបំរើសេវាកម្មផងដែរ៕