មនុស្សស្រីអ្នកត្រូវដឹង និងចាំថា អ្នកគឺជាមនុស្សស្រីដែលស្អាត ដរាបណាអ្នកចេះធ្វើខ្លួនឯឱ្យស្អាត មិនថាអ្នកកើតមកមានរូបសម្រស់បែបណា រូបរាងបែបណាក៏ដោយ អ្នកក៏នៅតែជាមនុសស្សស្រីដែលស្រស់ស្អាតជានិច្ច គឺស្អាតចិត្ត គំនិត អត្តចរិត និងមារយាទ ទើបជាភាពស្រស់ស្អាតដែលពិតប្រាកដ។

នារីទាំងអស់សូមកុំបោះបង់ ឬអន់ចិត្តជាមួយនឹងខ្លួនឯង បើទោះជាអ្នកមានរូបសម្រស់ខាងក្រៅមិនស្រស់ស្អាត មិនមានរូបឆោមឆើតឆាយដូចអ្នកដទៃ តែអ្វីទាំងនោះគឺសុទ្ធតែសម្បត្តិខាងក្រៅតែប៉ុណ្ណោះ ព្រោះថាទ្រព្យសម្បត្តិខាងក្នុងគឺយើងខ្លួនឯងជាអ្នកបង្កើត មិនថាអ្នកណាឡើយ គឺសុទ្ធតែមានទ្រព្យសម្បត្តិទាំងនេះដូចៗគ្នា តែអ្វីដែលសំខាន់ គឺយើងចេះយកវាមកប្រើប្រាស់ឬក៏អត់? យើងចេះបង្ហាញ ឬបញ្ចេញវាឱ្យគេបានដឹងឬក៏អត់?

រូបតំណាង

មនុស្សស្រីដែលស្រស់ស្អាតបំផុត មិនមែនព្រោះតែចេះតុបតែងខ្លួនឱ្យស្អាត ស្លៀកពាក់ឆើតឆាយ ស៊ិចស៊ីនោះទេ តែជានារីដែលចេះអប់រំ និងគ្រប់គ្រងខ្លួនឯង មានភាពម្ចាស់ការលើជីវិតខ្លួនឯង មានចំណេះដឹងខ្ពស់ យល់ដឹងការខុសត្រូវ ល្អអាក្រក់ ចរិតមារយាទល្អ ថ្នៃថ្នូរ មានចិត្តគំនិតទូលំទូលាយ ទាំងនេះហើយដែលជាទ្រព្យសម្បត្តិដ៏មានតម្លៃរបស់អ្នក ហើយក៏ជាភាពស្រស់ស្អាតទាំងព្រមរបស់អ្នកផងដែរ។

រូបឆោមលោមពណ៌ រូបសម្បត្តិខាងក្រៅ វាគ្រាន់តែជាទ្រព្យដើម្បីអួតសម្ញែង ​ឱ្យគេឯងក្រឡេកមើល និងងាយឆាប់ចាប់អារម្មណ៍លើអ្នកតែប៉ុណ្ណោះ តែសម្រស់ដែលអាចឱ្យគេស្រឡាញ់ ពេញចិត្តអ្នកបានយូរអង្វែង ជាពិសេសគឺអាចឱ្យគេគោរពឱ្យតម្លៃរបស់អ្នកនោះគឺ អត្តចរិត មារយាទសន្ដានដ៏ថ្លៃថ្នូររបស់អ្នកនេះហើយ៕

រូបតំណាង

ខ្មែរឡូតសូមរក្សាសិទ្ធិ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ