យល់ដឹង៖ មនុស្សជាច្រើន តែងតែយល់ច្រលំថា នៅពេលដែល ពួកគេកាន់តែមានលុយច្រើនប៉ុណ្ណា នោះពួកគេក៏កាន់តែរីករាយ ប៉ុណ្ណឹងដូចគ្នាដែរ។ ប៉ុន្តែការគិតនេះគឺជា ការពិតដែរឬទេ? តើលុយកាក់ទ្រព្យសម្បត្តិ ពិតជាអាចនាំសុភមង្គលពិតប្រាកដ មកឲ្យយើងពិតមែនទេ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង នៅពេលដែល អ្នកមានលុយ អ្នកអាចចំណាយលុយទាំងនោះ ទៅលើការចាយវាយ ទិញនៅសម្ភារៈប្រើប្រាស់ ដូចជាឡានទំនើបៗ, ផ្ទះវីឡា, សម្លៀកបំពាក់ថ្លៃៗ បាន។ ត្រឹមត្រូវអ្នកអាចចំណាយ បានគ្រប់ពេល ដែលអ្នកចង់បាន។ ក៏ប៉ុន្តែ សុភមង្គលដែលបានពី របស់ទាំងនោះក៏នឹង ចាប់ផ្តើមបាត់បង់ទៅវិញ បន្ទាប់ពីមួយថ្ងៃ មួយសប្តាហ៍ មួយឆ្នាំ ព្រោះរយៈពេលកន្លងទៅ របស់របរទាំងនោះ ក៏នឹងប្រែទៅជាចាស់ ហួសសម័យ ហើយវាក៏ក្លាយទៅជាអ្វី ដែលគួរឲ្យធុញទ្រាំ ដូចរបស់មុនៗដែរ។
ជាការពិតមួយ ដែលអ្នកគួរដឹងនោះគឺ ទោះបីជាអ្នកមានលុយច្រើន ជាងអ្នកដទៃ យ៉ាងណាក៏ដោយ ក៏អ្នកមិនមានភាពរីករាយ ដូចអ្វីដែលអ្នកចង់បានដែរ។ ព្រោះថាអ្នកបានធ្លាក់ចូល ទៅក្នុងអន្ទាក់ ដែលបានធ្វើឲ្យអ្នក ឃ្លាតឆ្ងាយពីសុភមង្គល នៅក្នុងជីវិតបាត់ទៅហើយ៕
ក្រឡេកមើលនៅចំណុចខាងក្រោម ប្រសិនបើអ្នកដឹងថាខ្លួនធ្លាក់ក្នុងអន្ទាក់មួយណា គួរតែប្រញាប់ចាកចេញពីទីនោះមកវិញ៖
១. ក្លាយជាទាសករនៃការចង់បាន
ជាប្រភេទ មនុស្សដែលធ្វើអ្វីៗ ដើម្បីតែអាចទទួលបាន នៅក្តីរំភើបនិង ការពេញចិត្ត តាមអ្វីដែល ពួកគេប្រាថ្នា ដោយពួកគេមិនបាន គិតខ្វល់ខ្វាយពី ផ្នែកអវិជ្ជាមាន នៃអត្ថចរឹក របស់ពួកគេនោះឡើយ។ ពួកគេសម្លឹងមើលតែអ្វី ដែលអាចធ្វើឲ្យ ពួកគេរីករាយ ហើយព្យាយាមរត់គេចចេញ ពីការឈឺចាប់។
២. អ្នកខំធ្វើការខ្លាំងប៉ុន្តែបែរជាមករងទុក្ខពីការឈឺចាប់
មនុស្សប្រភេទនេះគឺ មានការផ្ទុយខុសពី ចំណុចខាងលើ។ ពួកគេព្យាយាមធ្វើការ យ៉ាងខ្លាំង ដើម្បីទទួលបាន នៅសម្ភារៈ ផ្សេងៗជាច្រើន។ ពួកគេសម្លឹងមើល ភាពរីករាយដែលអាចមាន នៅថ្ងៃអនាគត ប៉ុន្តែបែរជាទទួលរង នៅទុក្ខវេទនា នាពេលបច្ចុប្បន្នទៅវិញ។ ពួកគេមិនដឹងថាខ្លួន កំពុងតែរត់នៅលើ ម៉ាស៊ីនរត់ ព្យាយាមរត់យ៉ាងខ្លាំង ប៉ុន្តែគឺគ្រាន់តែសម្រាប់ កំដរពេលវេលាប៉ុណ្ណោះ។ ម្យ៉ាងវិញទៀត សម្ភារៈដែលពួកគេ ខំប្រឹងយ៉ាងខ្លាំង ដើម្បីបានវាមកនោះគឺ គ្រាន់តែជាសុភមង្គល បណ្តោះអាសន្នតែប៉ុណ្ណោះ។
៣. មិនខិចខំធ្វើអ្វីទាំងអស់តែបែរជាបាត់ចំណង់នៃជីវិត និងក្តីសង្ឃឹមទៅអនាគត
ពួកគេមិនពេញចិត្ត នៅអ្វីដែលគេកំពុងតែ មាននៅក្នុងពេលបច្ចុប្បន្ន រស់នៅដោយគ្មានចំណង់ និងក្តីសង្ឃឹម នៅពេលដែល នរណាម្នាក់ធ្លាក់ដល់ ដំណាក់កាល បែបនេះហើយ គឺពិតជាពិបាកក្នុង ការយល់ពីអារម្មណ៍ នៃសុភមង្គលខ្លាំងណាស់។ ពួកគេចំណាយពេល ពីមួយឆ្នាំទៅមួយឆ្នាំ រស់នៅលើផែនដីនេះ ដែលមិនទាំងដឹងពីរសជាតិ នៅអ្វីដែលហៅថា ភាពរីករាយពិតប្រាកដ។
សុភមង្គលពិតប្រាកដគឺ ជាភាពរីករាយដែលយើង ទទួលបានមកពី មនុស្សដែលនៅជុំវិញខ្លួន សុខភាពល្អ អាចចំណាយពេល ធ្វើនៅអ្វីៗដែលខ្លួនចង់ធ្វើ... រួមទាំងរីករាយជាមួយនឹងអ្វីៗ ដែលខ្លួនមានបច្ចុប្បន្ន កុំប្រៀបធៀបខ្លួនឯង និងអ្នកដទៃច្រើនពេក ព្រោះ ការធ្វើបែបនោះ មិនអាចទទួលបានក្តីសុខ ដល់យើងនោះទេ។
Bong I.T