យល់ដឹង៖ ក្នុងពេលបច្ចុប្បន្ននេះ គេសង្កេតឃើញថា មានស្ត្រីខ្មែរកាន់តែច្រើនឡើងៗដែលមានស្វាមី ជាជនជាតិបរទេស ដែលភាគច្រើននៃ ជនជាតិបរទេសទាំងនោះ គឺមកពីខាងបែកអឺរ៉ុប ដែលធ្វើដំណើរមកកម្សាន្ត នៅក្នុងប្រទេសកម្ពុជា ហើយក៏បានជាជាប់ចិត្តលង់សេ្នហ៍ លើនារីខ្មែរតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក៏ប៉ុន្តែអ្វីដែលធ្វើឲ្យ អ្នកគ្រប់គ្នាតែងតែមានការងឿងឆ្ងល់ និងចាប់អារម្មណ៍រហូតមកនោះគឺថា តើហេតុអ្វីទើបបានជាបុរសបរទេសភាគច្រើន លង់ស្រលាញ់នារីខ្មែរដែលមានសម្បុរស្រអែមៗ មាឌល្អិតៗទៅវិញ? មុននឹងឈានចូលទៅស្វែងយល់ ពីចម្លើយនៃសំណួរខាងលើ យើងក៏គួរតែដឹងផងដែរថា ខ្មែរគឺជាជនជាតិមួយ ដែលមានឈាមជ័រជាអ្នកចម្បាំង មានពណ៌សម្បុរខ្មៅស្រអែម សណ្តែកបាយមិនខ្មៅពេក ក៏មិនសដែរ។
ដូច្នេះយើងអាចដឹងបានថា មូលហេតុចម្បងមួយ ដែលជនជាតិបរទេស ស្រលាញ់នារីខ្មែរដែលមាន សម្បុរស្រអែម មាឌល្អិតៗក៏ព្រោះតែនេះ ទើបជាអត្តសញ្ញាណ នៃនារីខ្មែរពិតៗ។ ចំណែកឯមូលហេតុផ្សេងទៀតនោះគឺមានដូចជា៖
១. ភាពរួសរាយរាក់ទាក់
ជាក់ស្តែងស្ត្រីខ្មែរគឺ មានភាពរួសរាយរាក់ទាក់ ព្រមទាំងមានទឹកចិត្តល្អ មិនតែប៉ុណ្ណោះអ្វីដែលធ្វើឲ្យ ជនជាតិបរទេស ដកចិត្តមិនបាននោះគឺ ស្នាមញញឹមដ៏ស្រស់ទាក់ទាញ រួមទាំងកាយវិការ ទន់ភ្លន់ បង្ហាញពី អត្តសញ្ញាណរបស់ខ្មែរ ពេលដែលជួបគ្នានោះ គឺការសំពះនេះតែម្តង។
២. ស្មោះត្រង់
ចរិតស្ត្រីខ្មែរគឺ ស្មោះត្រង់ប្រសិនសម្រេចចិត្តថា ស្រលាញ់បុរសណាម្នាក់ហើយ គឺមិនងាយមានគំនិត សារវាបែកចិត្តទៅស្រលាញ់ លួចលាក់មានដៃគូរស្នេហា២ ៣នាក់នោះទេ។ ម្យ៉ាងវិញទៀតនាងក៏នឹង ស្ម័គ្រចិត្តរួមសុខទុក្ខជាមួយអ្នក បើទោះបីជាអ្នកកំពុងស្ថិតក្នុង កាលៈទេសៈលំបាក ឬសប្បាយ បែបណាក៏ដោយ។
៣. ផ្តល់តម្លៃ
ស្ត្រីខ្មែរនៅពេលដែល រៀបការហើយគឺ តែងតែទុកប្តីជាធំ ផ្តល់តម្លៃរៀបចំបាយទឹកទុកដាក់ ឲ្យប្តីគ្មានទាស់។ មិនតែប៉ុណ្ណោះ ពួកគេនឹងបង្រៀនអ្នកឲ្យយល់ដឹង ពីរបៀបរបបរស់នៅ ក្នុងប្រទេសខ្មែរ ស្រលាញ់អ្នកចេញពីចិត្ត មិនមែនគ្រាន់តែចង់បោកបញ្ឆោត ព្រោះឃើញអ្នកជាជនជាតិបរទេស យកលុយកាក់នោះទេ។
៤. ងាយស្រួលចុះសម្រុង
ស្ត្រីខ្មែរជាមនុស្សស្រី ដែលងាយចុះសម្រុង នៅពេលដែលរៀបការមានប្តីហើយ ចិត្តនិងគំនិត ក៏តាមប្តីដូចគ្នា ទោះបីជាជាតិសាសន៍ខុសគ្នា របៀបរបបរស់នៅ ម្ហូបអាហារ ទម្លាប់ផ្សេងៗ នាងក៏នឹងរៀនកែប្រែ ទៅតាមអ្នកដូចគ្នាដែរ៕
Bong I.T