ខេត្តព្រះសីហនុ ៖ សពបុរសម្នាក់ត្រូវបានស្ត្រី ជាកម្មករសំណង់ប្រទះឃើញដេកស្លាប់ដោយផ្កាប់មុខក្បែរស្ពាន កាលពីវេលាម៉ោង៤និង៤០នាទីរសៀលថ្ងៃទី៣១ មីនា ២០១២ នៅចំណុចគល់ស្ពានទឹកស្អាត ស្ថិតក្នុងក្រុង១៧ ភូមិ៤ សង្កាត់លេខ៤ ខេត្តព្រះសីហនុ ។
តាមប្រភពពីសមត្ថកិច្ចឱ្យដឹងថា សពបុរសខាងលើមានឈ្មោះជុំ ប៉ែត អាយុ៥១ឆ្នាំ ជាកម្មករទូកមានប្រពន្ធឈ្មោះហ៊ួត វិន អាយុ៤៨ឆ្នាំ ពួកគេទាំងពីរមានទីលំនៅក្បែរកន្លែងកើតហេតុ។ ប្រភពពីសាក្សីឱ្យដឹងថា នៅព្រឹកថ្ងៃកើតហេតុគេឃើញបុរសរងគ្រោះដើរមកអង្គុយនៅចំណុចគល់ ស្ពានខាងលើ លុះល្ងាចឡើងស្រាប់តែឃើញដេកស្លាប់តែម្តង ។
ក្រោយពីធ្វើកោសល្យវិច័យសមត្ថកិច្ចការិយា ល័យពិនិត្យសាកសពនៃស្នងការដ្ឋាននគរបាលខេត្តឱ្យដឹងថា សពស្លាប់ដោយសារខ្យល់គរ៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
