មនុស្សដែលប្រើមនោសញ្ចេតនាខ្លាំងជាងខួរក្បាល ច្រើនតែត្រូវទទួលរងនូវអារម្មណ៍ឈឺចាប់ ខូចចិត្ត និងត្រូវគេកេងចំណេញ មានតែខាតបង់ និងខកបំណងតែប៉ុណ្ណោះ។ សម្រាប់មនុស្សអាក្រក់ ធ្វើរឿងល្អវាពិតជាពិបាក វាក៏ដូចគ្នាដែរដែលឱ្យ មនុស្សល្អ ទៅធ្វើរឿងអាក្រក់វាក៏មិនងាយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សធ្លាប់ឆ្លងកាត់រឿងរ៉ាវជាច្រើនក្នុងជីវិត ធ្លាប់ត្រូវគេធ្វើបាបចិត្ត ធ្លាប់ឈឺចាប់ ខូចចិត្ត ខកបំណងជាច្រើនដងច្រើនសា ពេលខ្លះក៏គិតថាចង់ធ្វើជាមនុស្សអាក្រក់ម្ដង ចង់ធ្វើជាមនុស្សសាវាម្ដង ចង់ធ្វើជាមនុស្សអាត្មានិយមម្ដង តែក៏នៅតែមិនអាចធ្វើបាន ព្រោះវាមិនមែនជាចរិតពិតរបស់ខ្លួនឯង។ គ្រប់ពេលដែលចង់ធ្វើបាបគេ ចេះតែនឹកឃើញដល់ពេលដែលខ្លួនឯងធ្លាប់ត្រូវគេធ្វើបាបចិត្ត ធ្លាប់ត្រូវគេមើលងាយ ធ្លាប់ពឹងគេ គ្មានអ្នកណាជួយ វាឈឺចាប់កម្រិតណា វាអស់សង្ឃឹម និងបាក់ទឹកចិត្ត ទើបមិនដាច់ចិត្តនឹងធ្វើរឿងអស់ទាំងនេះទៅលើអ្នកផ្សេង។
ចុងក្រោយ នៅតែមិនអាចឱ្យខ្លួនឯងធ្វើនូវរឿងដែលមិនល្អបានដដែល ដូចពាក្យគេថា សុខចិត្តធ្វើល្អលើមនុស្សខុស កុំឱ្យធ្វើខុសលើមនុស្សល្អ គ្រប់ពេលដែលចង់ធ្វើរឿងមិនល្អ ចង់ធ្វើបាបចិត្តគេ ចង់ធ្វើជាមនុស្សអាត្មានិយម មិនដឹងមិនឮ ចេះតែខ្លាចធ្វើខុសលើមនុស្សល្អ ទីបំផុត នៅតែមិនអាចលុបមនោសញ្ចេតនាមួយនេះបាន។ តែយ៉ាងហោចណាស់ ក៏អាចឱ្យខ្លួនឯងឆ្លាត និងរឹងមាំជាងមុនដែរ ហើយក៏មិនឱ្យគេបោកប្រាស់ និងធ្វើបាបចិត្តបានដូចមុនទៀត ព្រោះហត់នឿយនឹងត្រូវគេកេងចំណេញ ធ្វើបាប និងមើលងាយហើយ៕
ខ្មែរឡូតសូមរក្សាសិទ្ធិ