ភ្នំពេញ៖ មួយរយៈពេលចុងក្រោយនេះ មហាជនចាប់អារម្មណ៍ឃើញថា តារាសម្តែងដ៏មានប្រជាប្រិយភាពកញ្ញា ឌុច លីដា ហាក់បីដូចជាស្ងប់ស្ងាត់បាត់ពីវិថីសិល្បៈ មិនឃើញនាងចេញមុខថតខ្សែភាពយន្តថ្មី ឬក៏បង្ហោះរូបថតថ្មីៗអ្វីឡើយនៅលើបណ្តាញទំនាក់ទំនងសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ស្រាប់តែថ្មីៗនេះ ក៏បានធ្វើឲ្យមហាជនផ្ទុះជាចម្ងល់យ៉ាងខ្លាំង បន្ទាប់ពីតារាសម្តែងស្រីកំពុងមានប្រជាប្រិយភាពរូបនេះ បានធ្វើការបង្ហោះនូវរូបថតទារក ដ៏គួរឲ្យស្រលាញ់ជាច្រើនសន្លឹកនៅលើគណនីបណ្តាញសង្គមរបស់នាង អមជាមួយនឹង អត្ថន័យបានសរសេរ «My Power» «កម្លាំងជំរុញទឹកចិត្តរបស់ខ្ញុំ» និងថែមទាំងមានបណ្តាមិត្តភក្តិសិល្បៈជាច្រើន ចូលទៅធ្វើការ Comment អបអរសាទរថែមទៀតផង។
ជាការពិតណាស់ យោងតាមការបង្ហោះសកម្មភាពកន្លងមក បានឲ្យឃើញពីការប្រែប្រួលរូបរាងរបស់ កញ្ញា ឌុច លីដា ប្រែទៅជាឡើងសាច់ជាងមុន និងថែមទាំងមិនសូវបង្ហោះរូបពេញមួយតួខ្លួនថែមទៀតផង ពោលគឺភាគច្រើននាងបង្ហោះតែរូប Selfie តែប៉ុណ្ណោះ និងថែមទាំងពេលខ្លះបានសរសេររៀបរាប់ពីទុក្ខលំបាកក្នុងចិត្តថែមទៀតផង។
យ៉ាងណាមិញ ស្រាប់តែពេលនេះនាងបានបង្ហោះរូបថតទារកទើបតែកើតបែបនេះទៀត ធ្វើឲ្យមហាជនមិនសង្ស័យមិនបានថា មូលហេតុដែលនាងបាត់មុខពីសិល្បៈ មួយរយៈពេលធំជិតមួយឆ្នាំកន្លងមកនេះ គឺអាចប្រហែលមកពីនាងសម្ងំមើលថែទាំកូនក្នុងផ្ទៃ រហូតដល់សម្រាលរួចរាល់ផងដែរ។
តួយ៉ាង នេះគ្រាន់តែជាចម្ងល់របស់មហាជនតែប៉ុណ្ណោះ រឿងពិតជាយ៉ាងណានោះ កញ្ញា ឌុច លីដា ពិតជាសម្ងំសម្រាលកូនពិតមែននោះ មានតែរង់ចាំការបកស្រាយពីសាមីខ្លួនទាំងអស់គ្នាផងដែរ៕