សួស្តីប្រិយមិត្តដែលនិយមចូលចិត្តអានព័ត៌មានកម្សាន្ត និងចូលចិត្ត វិស័យសិល្បៈ ទាំងអស់គ្នា! នាងខ្ញុំឈ្មោះ នាថ ជាបុគ្គលិកចំណូលថ្មីនៅក្នុងគេហទំព័រ ខ្មែរឡូត។ ចំណង់ចំណូលចិត្តរបស់នាងខ្ញុំ គឺខ្ញុំ ចូលចិត្តចម្រៀង កូរ៉េ Kpop ខ្លាំងបំផុត ហើយអ្វីដែលខ្ញុំតែងតែធ្វើជាប្រចាំថ្ងៃនោះ គឺច្រៀង រាំ(Kpop) លេងឧបករណ៍តន្រ្តី និងជាពិសេស ចូលចិត្ត តាមដានព័ត៌មានតារាទាំង ក្នុងនិងក្រៅស្រុកផងដែរ។ ចំពោះនាងខ្ញុំផ្ទាល់យល់ថា ក្នុងពេលបច្ចុប្បន្ន មិនថា អ៊ុំ ពូ មីង ឬមិត្តៗយុវវ័យទាំងអស់ គឺភាគច្រើន និយមគាំទ្រ និង ចង់ដឹងពី ស្ថានភាពតារា សិល្បៈបច្ចុប្បន្ន ដោយហេតុនេះ ហើយទើបជាការ ជំរុញទឹកចិត្តឲ្យនាងខ្ញុំ ខិតខំរកអ្វីដែលថ្មីៗ ដូចជា ម៉ូតសំលៀកបំពាក់ថ្មីៗ រឺ ព័ត៌មានកម្សាន្តៗ ដើម្បី ចែកជូនប្រិយមិត្តទាំងអស់គ្នា អានលេងកម្សាន្ត៕