អ៊ីតាលី៖ ក្លិបយក្សអ៊ីតាលី Juventus ត្រូវបានគេរាយការណ៍មកថាបានដាក់ការចាប់អារម្មណ៍ក្នុងការនាំយកខ្សែបម្រើស្លាប Willian នៅទីផ្សារដោះដូរកីឡាកររដូវក្ដៅខាងមុខ ខណៈកុងត្រារវាងកីឡាករជម្រើសជាតិប្រេស៊ីលរូបនេះនិងក្លិប Chelsea នឹងផុតកំណត់នៅបំណាច់រដូវកាល ២០១៩-២០២០។

កីឡាករ Willian

មកទល់នឹងពេលនេះ Willian នៅមិនទាន់ឯកភាពគ្នាជាមួយក្លិប Chelsea ក្នុងការបន្តកុងត្រាថ្មីនៅកីឡដ្ឋាន Stamford Bridge នៅឡើយ ក្រោយមិនសូវជាមានឱកាសចូលលេងក្រោមការដឹកនាំរបស់គ្រូបង្វឹកថ្មីលោក Frank Lampard ហើយពេលនេះក៏មានដំណឹងល្ហិចល្ហៀងមកថាកំពុងចរចាជាមួយនឹងបណ្ដាក្លិបមួយចំនួនក្នុងការផ្ទេរដោយមិនមានតម្លៃខ្លួន។

យោងតាមការចុះផ្សាយរបស់ Daily Mail ក្លិប Juventus គឺជាក្លិបមួយក្នុងចំណោមក្លិបដ៏ទៃផ្សេងទៀតដែលដាក់គោលដៅចង់បានកីឡាករវ័យ៣១ឆ្នាំ Willian ខណៈពេលដែលក្លិបអ្នកមានបុណ្យ Barcelona បានដាក់ការតាមប្រមាញ់មិត្តរួមក្រុមជម្រើសជាតិ Neymar ម្នាក់នេះអស់ពេល២រដូវកាលមកហើយ។

កីឡាករ Willian

ប្រភពដដែលបានបន្តឲ្យដឹងទៀតថា ក្លិបតោខៀវ Chelsea ចង់បន្តកុងត្រារយៈពេលមួយឆ្នាំទៀតឲ្យ Willian ប៉ុន្តែសាម៉ីកីឡាករខ្លួនឯងផ្ទាល់ចង់បានរយៈពេលពីរឆ្នាំ។

កាលពីទីផ្សាររដូវក្ដៅឆ្នាំមុន ក្លិបមានមូលដ្ឋាននៅតំបន់ Turin បាននាំយកកីឡាករល្អដល់ទៅ៣រូបដោយមិនមានតម្លៃខ្លួន ក្រោយពួកគេផុងកិច្ចសន្យាជាមួយក្លិបចាស់ រួមមាន Adrien Rabiot, Aaron Ramsey និង​ Emre Can។

កីឡាករ Willian

គួរឲ្យដឹងផងដែរថា ក្រោយផ្លាស់មកចូលរួមជាមួយក្លិបមានម្ចាស់ជាសេដ្ឋីជនជាតិរុស្ស៊ីកាលពីឆ្នាំ២០១៣ Willian ចូលលេងឲ្យ Chelsea សរុបបាន ៣២៣ប្រកួត និងរកគ្រាប់បាល់បាន ៥៧គ្រាប់៕

ប្រភព​​​៖ SportsMole

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ