រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋនាំគ្នាចាប់ខ្លួនប្រគល់ឱ្យសមត្ថ កិច្ច បន្ទាប់ពីប្រើល្បិចធ្វើជាជួយគ្រាហ៍មន្ត្រីនគរបាលចូលនិវត្តន៍ ម្នាក់ឡើងរថយន្ត ហើយបន្លំលួចយកកាបូប។ ហេតុការណ៍នេះកើតឡើងកាលពីវេលាម៉ោង៦និង៤៥នាទីយប់ថ្ងៃទី២៧ មីនានៅចំណុចផ្ទះលក់គ្រឿងម៉ាស៊ីន ស្ថិតនៅផ្ទះលេខ២២១សេ ផ្លូវលេខ១៨២ ខាងលិចស្តុបទេពផន សង្កាត់ទឹកល្អក់ទី២ ខណ្ឌទួលគោក។
ជនសង្ស័យដែលត្រូវចាប់ខ្លួនឈ្មោះប៊ុន ខន អាយុ៤៦ឆ្នាំ មានលំនៅផ្ទះជួលតាមផ្លួវរទេះភ្លើងសង្កាត់ទឹកថ្លា ខណ្ឌសែនសុខ។ ចំណែកម្ចាស់កាបូបឈ្មោះម៉ិល មឿន ភេទប្រុស អាយុ៧៥ឆ្នាំ ជាមន្ត្រីនគរបាលចូលនិវត្តន៍មានលំនៅផ្ទះលេខ៥៨ ផ្លូវលេខ៣៦០ សង្កាត់បឹងកេងកងទី៣ ខណ្ឌចំការមន។ តាមសំដីឈ្មោះម៉ិល សុភ័ក្រ្ត ត្រូវជាកូនប្រុសម្ចាស់កាបូបបានឱ្យដឹងថា មុនពេលកើតហេតុឪពុករបស់ខ្លួនរួមទាំងបងថ្លៃស្រីបានជិះរថយន្តម៉ាក វីហ្គោ ពណ៌ខ្មៅ ធ្វើដំណើរមករកទិញគោយន្តក្នុងគោលបំណងយកទៅភ្ជួរដី ធ្វើស្រែនៅខេត្តពោធិ៍សាត់។ នៅពេលទិញបានក៏រៀបចំដាក់លើរថយន្តប្រុងចាកចេញទៅផ្ទះ ស្រាប់តែជនសង្ស័យបានមកជួយគ្រាហ៍ឪពុករបស់ខ្លួនឡើង រថយន្ត និងជួយបើកទ្វារ ហើយបន្លំលូកហោប៉ាវលួចយកកាបូប ហើយរត់ឡើងជិះម៉ូតូបក្សពួកម្នាក់ទៀតដែលបញ្ឆេះចាំជាស្រេច។ ពេលឃើញជនសង្ស័យរត់ឡើងម៉ូតូខ្លួនបានរត់ទៅចាប់ទាញទម្លាក់មកវិញ ហើយនាំគ្នាចាប់ខ្លួនប្រគល់ទៅឱ្យនគរបាលប៉ុស្តិ៍ទឹកល្អក់ទី២ ចាត់ការតាមច្បាប់។ ម៉ិល សុភ័ក្ត្រ បានឱ្យដឹងថា ក្នុងកាបូបមានប្រាក់ចំនួន៨ម៉ឺនរៀលអត្តសញ្ញាណប័ណ្ណ១សន្លឹក និងប័ណ្ណបើកប្រាក់១សន្លឹក។
ជនង្ស័យបានសារភាពថា កន្លងមក ខ្លួនធ្លាប់បានធ្វើសកម្មភាពលូកហោប៉ៅយកកាបូបចំនួន៥លើកមកហើយ ដោយប្រើរូបភាពធ្វើជាជួយគ្រាហ៍គេចូលរថយន្ត ឬពេលមានគ្រោះថ្នាក់ចរាចរណ៍ ឬស្រវឹងដួលធ្វើជាទៅជួយហើយធ្វើសកម្មភាពលួចតែម្តង៕
Bopha
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]