ហេតុអ្វីប្រពន្ធខ្ញុំ មិនដូចប្រពន្ធគេ? ចុះហេតុអ្វីមិនសួរផងថា ហេតុអ្វីត្រូវយកប្រពន្ធខ្លួនទៅប្រៀបនឹងប្រពន្ធអ្នកដទៃ?

//s5.kh1.co/5c/5c17730c25a50d13fcf536492e8e0a02d2dc72a2.jpg
ប្រលោមលោក & អប់រំ

 ២៥-មករា-២០២០ ១ល្ងាច · ៤ ឆ្នាំមុន

ក្លាយជាប្ដីប្រពន្ធនឹងគ្នាហើយ គួរតែដឹង និងអាចយល់ពីប្ដីប្រពន្ធខ្លួនឱ្យបានច្រើន មិនមែនចេះតែយកប្រពន្ធខ្លួនទៅប្រៀបនឹងប្រពន្ធអ្នកដទៃនោះទេ ព្រោះមនុស្សយើងមិនដូចគ្នាទេ គេ គឺគេ យើង គឺយើង មនុស្សខុសគ្នា​ កុំថាឡើយយើងនឹងអ្នកដទៃ សូម្បីតែបងប្អូនបង្កើតពីផ្ទៃម្ដាយតែមួយ ក៏មិនដូចគ្នាដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s5.kh1.co/__image/w=650,h=813,q=100/dd/ddd1e485a5fe44ddad7884e6c086eb7b4b29c34b.jpg

ការដែលយកដៃគូរបស់ខ្លួន ទៅប្រៀបជាមួយអ្នកដទៃ គឺជារឿងដែលគួរឱ្យសោកស្ដាយ និងស្អប់បំផុត ព្រោះយកមនុស្សពីរនាក់មកប្រៀបធៀបគ្នា វាប្រាកដជាខុសគ្នាហើយ។​ ត្រូវចាំថា មនុស្សយើង មានចំណុចល្អ និងអាក្រក់រៀងៗខ្លួន ផ្សេងៗគ្នា កុំឃើញប្រពន្ធគេស្អាត ស្រស់ តែក៏មិនប្រាកដថា គេនោះល្អឥតខ្ចោះ ជាមនុស្សមានគុណសម្បត្តិគ្រប់យ៉ាងនោះឡើយ។

https://s5.kh1.co/__image/w=650,h=650,q=100/c3/c3fa629b2d12bd4f37366fb1f297253976be2435.jpg

ប្រពន្ធគេ គេល្អ ស្អាតបែបប្រពន្ធគេ ចំណែកប្រពន្ធយើង ក៏ល្អ ពូកែបែបប្រពន្ធយើង កុំយកមកពាក់ព័ន្ធ ប្រៀបធៀបគ្នាឱ្យសោះ ក៏កុំចេះតែលើកសរសើរប្រពន្ធគេល្អអ៊ីចេះ ប្រពន្ធគេពូកែអ៊ីចុះ ហើយមកស្ដីបន្ទោស បន្ទាបប្រពន្ធខ្លួនឯង មនុស្សស្រីណាក៏ចេះអន់ចិត្តដូចគ្នាដែរ គ្មានមនុស្សស្រីណាដែលរីករាយដែលប្ដីសរសើរស្រីផ្សេង ហើយមកបង្អាប់ជាន់នាងថែមនោះទេ។

https://s5.kh1.co/__image/w=650,h=650,q=100/8d/8d1ec8e5c6b36edd5c31758b35ba800a4fa83e63.jpg

បើចង់ឱ្យប្រពន្ធល្អដូចប្រពន្ធគេ អ្នកក៏គួរតែធ្វើជាប្ដីដែលល្អដូចប្ដីគេផងទៅ កុំចេះតែសួរថាហេតុអ្វី ក៏ប្រពន្ធខ្ញុំមិនដូចប្រពន្ធគេ គួរតែចេះរៀនសួរខ្លួនឯងផងទៅថា ហេតុអ្វីខ្ញុំជាប្ដី មិនដូចប្ដីគេ។ ប្រពន្ធល្អ លុះត្រាតែប្ដី ចេះឱ្យតម្លៃ ចេះគោរព លើកសរសើរប្រពន្ធ ជាប្ដីដែលចេះផ្ដល់ពេលវេលា និងផ្ដល់គ្រប់សព្វបែបយ៉ាងដល់ប្រពន្ធ ទើបអ្នកអាចមានប្រពន្ធល្អ ស្អាត ដូចប្រពន្ធគេ៕

https://s5.kh1.co/__image/w=650,h=813,q=100/f4/f414f32d84b0a460e208915fbe4d5802b1d33e1a.jpg

ខ្មែរឡូតសូមរក្សាសិទ្ធ

Lim Panha
លីម បញ្ញា

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T