ខេត្តបន្ទាយមានជ័យ ៖ បុរសម្នាក់បានផឹកស្រាស្រវឹងនៅក្រៅផ្ទះពេលត្រឡប់មកចូលផ្ទះ វិញទៅវ៉ៃមេជ្រូកទើបតែកើតកូនត្រូវប្រពន្ធស្តីបន្ទោស ឱ្យបន្តិចបន្តួចតូចចិត្តខ្លាំង ដោយសង្ស័យថា ប្រពន្ធកូនស្រឡាញ់មេជ្រូកជាងខ្លួន ក៏រត់ទៅចង.កធ្វើអត្តឃាតនៅលើដើមអម្ពិលទឹក កាលពីវេលាម៉ោង១២និង៣០នាទីរំលងអធ្រាត្រ ថ្ងៃទី២៦ មីនា នៅវាលស្រែចម្ងាយពីភូមិ៥០ម៉ែត្រ ស្ថិតនៅភូមិស្វាយ.ស ឃុំផ្គាំ ស្រុកស្វាយចេក ។
លោកអនុសេនីយ៍ឯក ហ៊ិន សារុណ អធិការរងនគរបាលស្រុកស្វាយចេក ទទួលការងារយុតិ្តធម៌ឱ្យដឹងថា បុរសដែលចង.កធ្វើអត្តឃាតនោះ ឈ្មោះ គី តឿត អាយុ៣៧ឆ្នាំ ជាកសិករ ចំណែកប្រពន្ធឈ្មោះអែ ជូត អាយុ៣៧ឆ្នាំ គ្រួសារនេះមានកូនប្រុសស្រី៣នាក់ ។
លោកអធិការរងបន្តថា មុនពេលកើតហេតុបុរសនេះផឹកស្រាស្រវឹងនៅក្រៅផ្ទះ ពេលត្រឡប់មកចូលផ្ទះវិញមិនដឹងជាមូលហេតុអ្វីទៅវៃ៉មេជ្រូកទើបតែ កើតកូនបាន២-៣ថ្ងៃ ហើយត្រូវប្រពន្ធស្តីបន្ទោសឱ្យបន្តិចបន្តួចក៏ស្ងាត់រៀងខ្លួនទៅ។ បន្ទាប់មកប្រពន្ធ និងកូនបាននាំគ្នាចូលសម្រាក ចំណែកបុរសជាប្តីក៏ចូលដេកធម្មតា ។ លុះព្រឹកឡើងស្រាប់តែអ្នកជិតខាងឃើញបុរសជាប្តីចង.កសម្លាប់ ខ្លួន ដោយយកក្រមាចងភ្ជាប់ទៅមែកអម្ពិលទឹកស្លាប់មិនដឹងពីពេលណាមកនោះទេ ។
លោកបន្តទៀតថា ភ្លាមៗនោះមានការភ្ញាក់ផ្អើលដល់ប្រពន្ធកូន និងប្រជាពលរដ្ឋក្នុងភូមិរួមទាំងសមត្ថកិច្ចនាំគ្នាស្រាយសពលើក ចុះពីលើដើមអម្ពិលទឹកដាក់មកក្រោម ។ បន្ទាប់មកសមត្ថកិច្ចធ្វើការត្រួតពិនិត្យឃើញថា ឈ្មោះ គី តឿត ពិតជាចង.កសម្លាប់ខ្លួនប្រាកដមែន។ ក្រោយពិនិត្យរួច សពត្រូវបានប្រគល់ឱ្យគ្រួសារយកទៅចាត់ចែងធ្វើបុណ្យតាមប្រពៃណី ៕
Bopha
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
