កូរ៉េខាងត្បូង៖ កាលពីថ្ងៃទី១៩ ខែមករាម្សិលមិញនេះ បងប្រុសបង្កើតរបស់តារាចម្រៀងស្រី Sulli អតីតសមាជិកក្រុម F(x) បានបង្ហោះនូវរូបថតសារឆ្លងឆ្លើយយ៉ាងវែងអន្លាយ រវាងលោក ជាមួយ ឪពុករបស់លោក នៅលើ KakaoTalk។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះបើយោងតាមការលើកឡើងរបស់បងប្រុស Sulli បានឲ្យដឹងថា ឪពុករបស់ពួកគេបានលួចយករបស់របរ ទ្រព្យសម្បត្តិដែលនៅសេសសល់របស់ Sulli ដោយឪពុកបានអះអាងពាក្យមិនពិតថា លោកមានភាពស្និទ្ធស្នាលនិងមានសិទ្ធិ ក្នុងនាមជាសមាជិកគ្រួសារ ហើយលោកក៏បានកុហកថា លោកធ្លាប់បានទៅសួរសុខទុក្ខផ្នូររបស់ Sulli ថែមទៀតផង។
នៅក្នុងរូបថតដែលបងប្រុសរបស់ Sulli បានបង្ហោះបានឲ្យឃើញថា ឪពុករបស់លោកបានផ្ញើរូបទៅឯទីបញ្ចុះសពរបស់ Sulli និងបាននិយាយថា៖
ប៉ុន្តែទោះជាយ៉ាងណា បងប្រុសរបស់ Sulli មិនជឿសម្តីរបស់ឪពុកលោកសូម្បីតែបន្តិច ដោយលោកបានអះអាងថាតាមពិតរូបថតនៅផ្នូរនេះ គឺឪពុករបស់លោកបានឲ្យគេថតបន្តផ្ញើមកឲ្យលោកតែប៉ុណ្ណោះ មិនតែប៉ុណ្ណោះ តាំងពីតូចរហូតដល់ធំបងប្អូនរបស់ពួកគេរស់នៅដោយទទួលបានការមើលថែពីម្តាយទាំងស្រុង គ្មានវត្តមានឪពុកសូម្បីតែបន្តិច ថែមទាំងថ្ងៃបុណ្យសពរបស់កូនស្រី ឪពុករូបនេះថែមទាំងមិនលេចមុខមករៀបចំ រហូតដល់ថ្ងៃបញ្ចុះសពរួចរាល់ ក៏ឪពុករូបនេះមិនមកដែរ។ ប៉ុន្តែនៅពេលដែលដឹងថា Sulli បន្សល់ទុកនូវទ្រព្យសម្បត្តិយ៉ាងច្រើនរាប់លានដុល្លារ ក៏ស្រាប់តែឪពុករូបនេះលេចមុខចេញមកអះអាងសិទ្ធិទៅវិញ។
អ្វីដែលគួរឲ្យហួសចិត្តជាងនេះទៅទៀតនោះ ឪពុកចិត្តខ្មៅរូបនេះ ថែមទាំងបង្ខំឲ្យបងប្រុសរបស់ Sulli លក់ផ្ទះវីឡារបស់នាង ដើម្បីចែកលុយគ្នាថែមទៀតផង ប៉ុន្តែបងប្រុសរបស់នាងបានធ្វើការ បដិសេធច្រានចោលការបញ្ចុះបញ្ចូលរបស់ឪពុករូបនេះទាំងស្រុង ដោយលោកនឹងមិនធ្វើរឿងនេះជាដាច់ខាត៕