ចេះតែថាឲ្យគ្នា! ហ្វេនច្រឡំ សង្សារGypsy ជាជាងផ្សារដែក តែតាមពិតជា...!

ថៃ៖ កាលពីថ្មីៗនេះ តារាសម្តែងថៃស្រីកំពុងតែពេញនិយមកញ្ញា Gypsy បានធ្វើការបង្ហោះនូវរូបថត Selfie មូយសន្លឹកនៅលើគណនីអ៊ីនស្តារក្រាម ផ្ទាល់ខ្លួនរបស់នាង ដែលធ្វើឲ្យមហាជនមានការចាប់អារម្មណ៍ជាខ្លាំង។

ជាការពិតណាស់ យោងតាមរូបថតមួយសន្លឹកនេះ បានឲ្យឃើញថា Gypsy បានប្រែប្រួលសម្រស់ជាខ្លាំង ជាពិសេសគឺពណ៌សម្បុរស្បែករបស់នាងតែម្តង ដែលប្រែទៅជាពណ៌ត្នោតស្រគុំមិនសូវដែលសខ្ចីដូចកាលពីមុនឡើយ។

ចំណែកឯការតុបតែងខ្លួនឯណេះវិញ ក៏គេមិនសូវជាឃើញ Gypsy លេងខ្លួនឆើតឆាយលេចធ្លោអ្វីដូចពីមុននោះដែរ ដែលទាំងនេះ ធ្វើឲ្យមហាជនមួយចំនួនលើកឡើងថា ចាប់តាំងពី Gypsy មានទំនាក់ទំនងស្នេហារហូតឈានដល់ការភ្ជាប់ពាក្យជាមួយនឹង ជនបរទេសម្នាក់មក បានធ្វើឲ្យនាងមានការផ្លាស់ប្តូរខ្លួនឯងច្រើនគួរឲ្យកតសម្គាល់ផងដែរ។

គួរឲ្យដឹងថា កាលពីមួយរយៈមុននេះ តារាសម្តែងស្រី Gpysy ឧស្សាហ៍បង្ហោះរូបថតគូដណ្តឹងជនជាតិបរទេសរបស់នាងនៅលើបណ្តាញទំនាក់ទំនងសង្គម អ៊ីនស្តារក្រាមណាស់ ដោយភាគច្រើនគឺសុទ្ធសឹងតែជារូបថតលោកកំពុងតែផ្សារដែក កាត់ដែក ជួសជុលផ្ទះ​ និងលាបថ្នាំពណ៌ជាដើម មិនតែប៉ុណ្ណោះ នៅពេលខ្លះ Gypsy ថែមទាំងក៏បង្ហោះវីដេអូរបស់នាងកំពុងតែជួយលាបថ្នាំជញ្ចាំងជាមួយនឹងគូដណ្តឹង ថែមទៀតផងដែរ ដែលធ្វើឲ្យមហាជនឃើញហើយ មិនសង្ស័យមិនបានពីមុខរបររបស់គូដណ្តឹងរបស់នាង រហូតមានមនុស្សមួយចំនួនយល់ច្រឡំថាលោកជា ជាងផ្សារដែក ឬក៏មេការសំណង់ថែមទៀតផង។

ប៉ុន្តែទោះជាយ៉ាងណា មិនយូរប៉ុន្មាន ទើបតែគ្រប់ដឹងច្បាស់ថា តាមពិតលោកគឺជាម្ចាស់ហាងកាហ្វេ «Solos Cafe» ក្រោយពីបើកសម្ពោធជាផ្លូវការ កាលពីមួយរយៈមុននេះ។ ហើយសកម្មភាពដែលលោកអង្គុយកាត់ដែក លាបថ្នាំផ្ទះអ្វីនេះ គឺតាមពិតទៅគឺលោកជាអ្នករៀបចំសាងសងតុបតែង ហាងកាហ្វេ «Solos Cafe» មួយនេះ ឡើយដោយផ្ទាល់ដៃរបស់លោកតែប៉ុណ្ណោះ និងមានជំនួយការចាំលើកទឹកចិត្តពីក្រោយគឺកញ្ញា Gypsy ផងដែរ៕