កូរ៉េខាងត្បូង៖ កាលពីថ្មីៗនេះ គូស្នេហ៍ល្បីឈ្មោះប្រចាំវិស័យ Kpop តារាចម្រៀងទោលស្រី HyunA និងតារាចម្រៀងទោលប្រុស Dawn បានធ្វើការLive វីដេអូផ្ទាល់នៅលើគណនីអ៊ីនស្តារក្រាមផ្ទាល់ខ្លួនរបស់ពួកគេ ដែលធ្វើឲ្យអ្នកកំពុងទស្សនា លើសជាតិស្ករមិនតិចនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ដោយតាមវីដេអូLive ដែលត្រូវបានអ្នកគាំទ្រថតទុកខាងក្រោមនេះ បានឲ្យឃើញថា HyunA និង Dawn បានអង្គុយឱបកៀកគ្នាយ៉ាងស្អិតរមួត ជជែកគ្នាលេងសើចសប្បាយជាមួយនឹងអ្នកគាំទ្រ ដែលកំពុងតែទស្សនាការ Liveរបស់ពួកកេ។
ដោយឡែក អ្វីដែលគួរឲ្យចាប់អារម្មណ៍ទៅទៀតនោះ គឺ HyunA អត់ទ្រាំមិនក្នាញ់មិត្តប្រុសខ្លួនមិនបាន ក៏នាងបានងាកទៅថើប Dawn ជាច្រើនខ្សឺត ស្ទើរតែគ្រប់កន្លែងតែម្តង រហូតធ្វើឲ្យអ្នកទស្សនាអៀនជំនួស Dawn ផងដែរ។
យ៉ាងណាមិញ គួរឲ្យដឹងផងដែរថា មកទល់ពេលនេះ គឺ HyunA និង Dawn បានស្រលាញ់គ្នាអស់រយៈពេលជាច្រើនឆ្នាំហើយ ហើយអ្នកទាំងពីរក៏តែងតែបង្ហាញភាពផ្អែមល្ហែម ចំពោះគ្នាទៅវិញទៅមក នៅលើបណ្តាញទំនាក់ទំនងសង្គម ដោយមិនធ្លាប់ក្រែងចិត្តអ្នកគាំទ្រ Single ផងដែរ៕